ٹی20 ورلڈ کپ: دوسرے سیمی فائنل میں انڈیا کا انگلینڈ کو جیت کے لیے 254 رنز کا ہدف

آئی سی سی مینز ٹی20 ورلڈ کپ کے دوسرے سیمی فائنل میں انڈیا نے انگلینڈ کو جیت کے لیے 254 رنز کا ٹارگٹ دیا ہے۔

جمعرات کو ممبئی میں انگلینڈ کی دعوت پر پہلے کھیلتے ہوئے انڈیا نے سات وکٹوں کے نقصان پر مقررہ 20 اوور میں 253 رنز بنائے۔

انڈیا کی جانب سے سنجو سیمسن نے 42 گیندوں پر 89 رنز بنا کر ٹاپ سکورر رہے۔

ایشان کشن نے 18 گیندوں پر 39 رنز کی اننگ کھیلی جبکہ شیوم دوبے 25 گیندوں پر 43 رنز بنا کر رن آؤٹ ہوئے۔

ابھیشیک شرما ایک بار پھر ناکام ہوئے اور صرف 9 رنز بنا کر آؤٹ ہوئے۔ کپتان سوریا کمار یادو چھ گیندوں پر 11 رنز بنا کر پویلین لوٹ گئے۔  

تلک ورما نے سات گیندوں پر 21 رنز بنائے۔ 

انگلینڈ کی جانب سے ول جیکس اور عادل رشید نے دو دو جبکہ جوفرا آرچر نے ایک وکٹ حاصل کی۔

واضح رہے کہ آئی سی سی ٹی20 ورلڈکپ کے پہلے سیمی فائنل میں نیوزی لینڈ نے جنوبی افریقہ کو شکست دے کر فائنل کے لیے پہلے ہی کوالیفائی کر لیا ہے۔

 ٹی 20 ورلڈکپ 2026 کا فائنل اتوار کو احمد آباد میں نیوزی لینڈ اور آج کے میچ کی فاتح ٹیم کے درمیان کھیلا جائے گا۔