ابوظبی کے صنعتی علاقے روئیس انڈسٹریل کمپلیکس میں منگل کو اچانک آگ بھڑک اٹھی، تاہم حکام کے مطابق اب تک کسی جانی نقصان کی اطلاع موصول نہیں ہوئی۔ ابوظبی میڈیا آفس کے مطابق آگ پر قابو پانے کے لیے ریسکیو ٹیمیں فوری طور پر موقع پر پہنچ گئیں۔
عرب نیوز کے مطابق یہ کمپلیکس متحدہ عرب امارات کی سب سے بڑی توانائی کمپنی ادنوک کی اہم تنصیبات پر مشتمل ہے، جو روزانہ 9 لاکھ 22 ہزار بیرل تک تیل ریفائن کرنے کی صلاحیت رکھتی ہے۔ یہی خطہ امارت کے ڈاؤن سٹریم آپریشنز کا مرکزی مرکز بھی ہے، جہاں کیمیکل، کھاد اور صنعتی گیس کے بڑے پلانٹس واقع ہیں۔
تتعامل الجهات المختصة في إمارة أبوظبي مع نشوب حريق في إحدى المنشآت ضمن مجمع الرويس الصناعي، ناجم عن استهداف بالطائرات المسيرة، دون تسجيل إصابات حتى الآن.
وأهابت الجهات المختصة بالجمهور استقاء المعلومات من المصادر الرسمية فقط، وتجنُّب تداول الشائعات أو المعلومات غير الموثوقة.
— مكتب أبوظبي الإعلامي (@ADMediaOffice) March 10, 2026
صورتحال اس وقت مزید سنگین ہو گئی جب متحدہ عرب امارات کی وزارتِ دفاع نے اعلان کیا کہ ملک کے فضائی دفاعی نظام ایران کی جانب سے داغے گئے میزائل اور ڈرون حملوں کا جواب دے رہے ہیں۔ وزارت کے مطابق دفاعی سسٹم مکمل طور پر فعال ہے اور ممکنہ خطرات کا مقابلہ کیا جا رہا ہے۔
اسی دوران ابوظبی کے زاید ملٹری ہسپتال میں ایک نہایت سوگوار منظر بھی دیکھا گیا، جہاں یو اے ای فضائیہ کے دو پائلٹوں کیپٹن سعید البلوشی اور فرسٹ لیفٹیننٹ علی التنیجی کو خراج عقیدت پیش کرنے کے لیے فوجی اعزاز کے ساتھ ان کی نمازِ جنازہ ادا کی گئی۔ دونوں پائلٹس رواں ہفتے ایک تکنیکی خرابی کے باعث ہیلی کاپٹر حادثے میں جان سے گئے تھے۔
اس موقع پر وزارتِ دفاع کی اعلیٰ قیادت، سینیئر افسران اور شہداء کے اہلِ خانہ بھی موجود تھے، جنہوں نے اپنے بہادر سپوتوں کی خدمات اور قربانیوں کو خراجِ تحسین پیش کیا۔
