امریکی محکمۂ خارجہ نے پاکستان کے شہر پشاور میں سکیورٹی خدشات کی وجہ سے اپنا قونصل خانہ بند کرنے کا فیصلہ کیا ہے۔
منگل کو محکمۂ خارجہ کی جانب سے جاری ہونے والے بیان کے مطابق قونصلیٹ کے سفارتی عملے کی سلامتی کے حوالے سے یہ فیصلہ کیا گیا ہے۔
بیان کے مطابق وفاقی دارالحکومت اسلام آباد میں قائم امریکی سفارت خانہ اب صوبہ خیبر پختونخوا سے متعلق تمام سفارتی مصروفات کو دیکھے گا۔
برطانوی خبر رساں ایجنسی روئٹرز کے مطابق محکمہ خارجہ کے مطابق ’یہ فیصلہ ہمارے سفارتی عملے کی حفاظت اور وسائل کے موثر انتظام کے عزم کی عکاسی کرتا ہے۔‘
خیال رہے کہ صوبہ خیبر پختونخوا میں شدت پسندی کے واقعات اکثر رپورٹ ہوتے رہتے ہیں جبکہ صوبے کی سرحد افغانستان سے ملتی ہے جہاں اس وقت پاکستان کی افغان طالبان کے خلاف کارروائیاں جاری ہیں۔
اس سے پہلے ایران پر اسرائیل اور امریکہ کے نتیجے میں ایرانی سپریم لیڈر کی موت کے بعد مظاہرین کراچی میں امریکی قونصل خانے میں داخل میں کامیاب ہو گئے تھے اور اس واقعے میں کم از کم 10 افراد ہلاک ہو گئے تھے۔
