ایران پر حملوں کا ردعمل: کراچی میں امریکی قونصل خانے پر سینکڑوں افراد کا دھاوا

ایران پر امریکہ اور اسرائیل کے حملے اور اس کے نتیجے میں ایرانی سپریم لیڈر آیت اللہ خامنہ ای کی موت کے بعد سینکڑوں مشتعل مظاہرین پاکستان کے شہر کراچی میں احتجاج کے لیے نکل آئے۔

امریکی خبر رساں ادارے ایسوسی ایتڈ پریس (اے پی) کے مطابق پولیس  نے بتایا کہ اتوار کو پاکستان کے ساحلی شہر کراچی میں سینکڑوں مشتعل افراد نے امریکی قونصل خانے پر دھاوا بول دیا اور کھڑکیاں توڑ دیں۔‘

پولیس افسر محمد جواد نے بتایا کہ پولیس اور نیم فوجی دستوں (رینجرز) نے ہجوم کو منتشر کرنے کے لیے لاٹھی چارج کیا اور آنسو گیس کے گولے فائر کیے۔

انہوں نے مزید بتایا کہ سکیورٹی فورسز اور مظاہرین کے درمیان ہونے والی جھڑپوں میں کم از کم ایک شکص ہلاک اور متعدد زخمی ہو گئے ہیں۔

قونصل خانے پر یہ حملہ آیت اللہ علی خامنہ ای کی اسرائیل اور امریکہ کے ایک بڑے حملے میں ہلاکت کے چند گھنٹوں بعد کیا گیا۔