امریکی صدر ڈونلڈ ٹرمپ نے سنیچر کو کہا ہے کہ ایران کے ساتھ امن معاہدہ ’بڑی حد تک طے پا چکا ہے‘ تاہم حمتی منظوری باقی ہے، جلد اس معاہدے کو اعلان کرنے کا اردہ ہے۔
ٹرمپ نے اپنے سوشل میڈیا پلیٹ فارم ٹروتھ سوشل پر لکھا کہ 'امریکہ، اسلامی جمہوریہ ایران، اور مشرقِ وسطیٰ کے مختلف دیگر ممالک کے درمیان ایک معاہدہ بڑی حد تک طے پا چکا ہے، مگر اسے ابھی حتمی شکل دی جانی باقی ہے۔'
انہوں نے مزید کہا کہ اس معاہدے کے تحت آبنائے ہرمز کو بھی کھول دیا جائے گا۔
اس سے قبل امریکی ویب سائٹ ایکسیوس نے صدر ٹرمپ کے انٹرویو کے حوالے سے رپورٹ کیا تھا صدر ٹرمپ کا کہنا ہے کہ’ وہ ایران کے ساتھ مجوزہ نئے ڈرافٹ معاہدے پر اپنے مشیروں سے مشاورت کریں گے اور ممکن ہے اتوار تک یہ فیصلہ کر لیں کہ جنگ دوبارہ شروع کرنی ہے یا نہیں۔‘
ٹرمپ کے بقول ’یا تو ہم ایک اچھا معاہدہ کر لیں گے، یا پھر میں انہیں جہنم واصل کروں گا۔‘
