مظفرآباد میں پاکستان آرمی کا ہیلی کاپٹر حادثے کا شکار

پاکستان کے ریرانتظام کشمیر کے دارالحکومت مظفرآباد کے قریب پاکستانی فوج کا ایم آئی-17 ہیلی کاپٹر ٹیک آف کے دوران تکنیکی خرابی کے باعث گر کر تباہ ہوگیا۔ اس حادثے میں سوار تمام اہلکار جان سے گئے اور کوئی زندہ نہ بچ سکا۔

بدھ کو پاکستان آرمی کے شعبہ تعلقات عامہ (آئی ایس پی آر) کی طرف سے جاری بیان کے مطابق ریسکیو اور ریکوری ٹیمیں فوری طور پر جائے حادثہ پر پہنچ گئیں، جبکہ حادثے کی اصل تکنیکی وجوہات جاننے کے لیے انکوائری بورڈ تشکیل دے دیا گیا ہے۔

چیف آف آرمی سٹاف، چیئرمین جوائنٹ چیفس اور پاک فوج کے تمام رینکس نے اس سانحے پر گہرے دکھ اور افسوس کا اظہار کیا ہے اور اس میں سوار افراد کے اہلِ خانہ سے دلی ہمدردی اور تعزیت کی ہے۔