سعودی ولی عہد اور برطانوی وزیر اعظم کا رابطہ، حوثی ملیشیا کے حملوں کی مذمت
مملکت کی سکیورٹی اور خود مختاری کے لیے برطانیہ کی سپورٹ کا اعادہ کیا۔( فوٹو: ایس پی اے)
سعودی ولی عہد شہزادہ محمد بن سلمان اور برطانیہ کے نئے وزیر اعظم اینڈی برنہم نے اتوار کو ٹیلی فون پر رابطہ کیا ہے۔
ایس پی اے کے مطابق سعودی ولی عہد نے وزیر اعظم اینڈی برنہم کو عہدہ سنبھالنے پر مبارکباد دی اور ان کی کامیابی کی خواہش ظاہر کی۔
انہوں نے دونوں ملکوں اور ان کے عوام کے درمیان بہترین تعلقات کا بھی ذکر کیا۔
برطانوی وزیر اعظم نے ولی عہد شہزادہ محمد بن سلمان کے اچھے جذبات کی تعریف کی۔
انہوں نے حوثی ملیشیا کے حملوں اور بحیرہ احمر میں فریڈم آف نیویگیشن کو لاحق خطرات کی مذمت کی۔ سعودی عرب کی سکیورٹی اور خود مختاری کے لیے برطانیہ کی سپورٹ کا اعادہ کیا۔
دونوں رہنماوں نے سعودی عرب اور برطانیہ کے درمیان تعاون کے موجودہ شعبوں، انہیں ترقی دینے اور مضبوط بنانے کے طریقے بھی تلاش کیے۔
علاوہ ازیں باہمی دلچسپی کے متعدد علاقائی اور بین الاقوامی امور پر بھی تبادلہ خیال کیا گیا۔
یاد رہے کہ دونوں رہنماوں کے درمیان یہ رابطہ سعودی عرب اور حوثیوں کے درمیان شدید کشیدگی کے درمیان ہوا ہے، حوثیوں نے اس ہفتے سعودی عرب سے منسلک بحری جہاز کو نشانہ بنایا اور بحری ناکہ بندی کا دعوی کیا تھا۔
