پاکستان کرکٹ بورڈ (پی سی بی) نے صائم ایوب کو سہ فریقی ون ڈے سیریز کے بقیہ میچز کے لیے قومی سکواڈ سے ریلیز کر دیا ہے۔
پی سی بی کے مطابق صائم ایوب نے ہیڈ کوچ سے گفتگو کے بعد اپنی بیٹنگ فارم بہتر بنانے اور اعتماد بحال کرنے کے لیے ڈومیسٹک کرکٹ میں واپسی کی درخواست کی تھی، جسے ٹیم مینجمنٹ اور قومی سلیکشن کمیٹی نے قبول کر لیا۔
مزید پڑھیں
پی سی بی کی جانب سے 26 اکتوبر کو جاری بیان کے مطابق سلیکشن کمیٹی نے صائم ایوب کی جگہ صاحبزادہ فرحان کو سکواڈ میں شامل کیا ہے۔
پاکستان مسلسل تین فتوحات کے بعد ٹرائی سیریز کے فائنل میں جگہ بنا چکا ہے جبکہ منگل، 27 اکتوبر کو لاہور کے قذافی سٹیڈیم میں سری لنکا کے خلاف سیریز کا پانچواں میچ کھیلے گا۔
صائم ایوب کی سکواڈ سے علیحدگی ایسے وقت میں ہوئی ہے جب وہ ٹرائی سیریز کے ابتدائی تین میچز میں بیٹنگ کے دوران نمایاں کارکردگی دکھانے میں ناکام رہے۔
پی سی بی نے اپنے بیان میں ان کی موجودہ فارم کے بارے میں خود جائزہ لینے اور ڈومیسٹک کرکٹ میں واپسی کی درخواست کو سراہتے ہوئے کہا کہ ٹیم مینجمنٹ اور سلیکشن کمیٹی نے ان کے فیصلے کا احترام کیا ہے۔
صائم ایوب کی حالیہ کارکردگی اور سکواڈ سے علیحدگی پر سوشل میڈیا صارفین نے مختلف آرا کا اظہار کیا ہے۔
سپورٹس صحافی ساجد صادق نے بھی پی سی بی کے اعلان کی تصدیق کرتے ہوئے بتایا کہ صائم ایوب نے ہیڈ کوچ سے گفتگو کے بعد ڈومیسٹک کرکٹ میں واپسی کی درخواست کی تھی اور صاحبزادہ فرحان کو ان کا متبادل نامزد کیا گیا ہے۔
Saim Ayub has been released from the squad for the remainder of the ongoing tri-series. After a conversation with the head coach, Saim requested a desire to return to domestic cricket to work on his batting form and regain confidence. The national selection committee has named Sahibzada Farhan as Saim’s replacement for the remainder of the tri-series. #Cricket #PAKvENG #PAKvSL
— Saj Sadiq (@SajSadiqCricket) October 26, 2026
بعض شائقین نے ان کی انجری کے بعد فارم میں کمی کا ذکر کرتے ہوئے ڈومیسٹک کرکٹ میں واپسی کو اعتماد بحال کرنے کا موقع قرار دیا، جبکہ دیگر نے ان کی صلاحیتوں پر اعتماد کا اظہار کرتے ہوئے انہیں مسلسل مواقع دینے کی حمایت کی۔
ایکس صارف لیلہ خان نے صائم ایوب کی صورت حال پر افسوس کا اظہار کرتے ہوئے لکھا کہ انجری کے بعد وہ پہلے جیسے کھلاڑی دکھائی نہیں دیے اور انہیں مسلسل ناکامیوں کا سامنا کرنا پڑا۔
تاہم، انہوں نے صائم کو ڈومیسٹک کرکٹ میں کھیل کر زیادہ مضبوط واپسی کرنے، امید برقرار رکھنے اور ہمت نہ ہارنے کا مشورہ دیا۔
I am sad for him somehow but he wasn't the same after the injury. Too many failures. Go play domestic and come back stronger as ever. Don't lose hope and don't give up. Good luck @SaimAyub7
— Lailah (@LailahKhan28) October 26, 2026
دوسری جانب حسن نے صائم ایوب اور فخر زمان کو پاکستان کے بہترین اوپنرز میں شمار کرتے ہوئے کہا کہ انہیں، خصوصاً جنوبی افریقہ جیسے حالات میں، مسلسل مواقع ملنے چاہییں تاکہ وہ ورلڈ کپ سے پہلے اپنی فارم بحال کر سکیں۔
انہوں نے صاحبزادہ فرحان کو بھی ایک اچھا کھلاڑی قرار دیا، تاہم پی سی بی کے فیصلوں پر تنقید کی۔
Still believe Saim Ayub and Fakhar are your best openers especially in African conditions. Give them consistent chances and they will get back in the touch before the WC. Mazz is good too and you can use him as a backup of Saim but sadly PCB always come up with stupid decisions
— Hassan Abbasian (@HassanAbbasian) October 26, 2026
ایکس پر ایک اور صارف نے صائم ایوب کی تینوں فارمیٹس میں کارکردگی دکھانے کی صلاحیت پر اعتماد ظاہر کیا۔
ان کے مطابق صائم نے انجری سے پہلے مختلف فارمیٹس میں اپنی صلاحیتوں کی جھلک دکھائی تھی، لیکن انجری کے بعد مشکلات اور بیٹنگ آرڈر میں بار بار تبدیلیوں سے ان کا اعتماد متاثر ہوا۔
@coverpoint_ I disagree. Saim is one of the few batsmen we have ever had with genuine 3 format potential. We saw glimpses of it across formats pre-injury. Post-injury he struggled a bit and then got shuffled around and lost confidence. He's still a very talented player, if his mental survives
— nomi payen enthusiast (@roomiwagon305) October 26, 2026
