بنگلہ دیشی ٹیم پاکستان میں نہیں کھیلے گی

پاکستان میں ٹیسٹ سیریز نہ کھیلنے کا فیصلہ بنگلہ دیشی بورڈ نے اپنے اجلاس میں کیا۔ فوٹو: اے ایف پی
بنگلہ دیش کرکٹ بورڈ (بی سی بی) نے پاکستان میں ٹیسٹ سیریز کھیلنے سے انکار کردیا ہے۔
پاکستان میں ٹیسٹ سیریز نہ کھیلنے کا فیصلہ بنگلہ دیشی بورڈ نے اپنے اجلاس میں کیا۔
کرک انفو کے مطابق صدر بنگلہ دیش کرکٹ بورڈ نظم الحسن نے اعلان کیا کہ حکومتی ہدایت کے مطابق پاکستان میں صرف ٹی 20 کھیل سکتے ہیں۔

 

انہوں نے کہا کہ بنگلہ دیشی ٹیم پاکستان میں صرف مختصر قیام کرسکتی ہے۔
صدر بنگلہ دیش بورڈ کا کہنا تھا کہ بی سی بی اس حوالے سے پاکستان کرکٹ بورڈ کو باضابطہ طور پر آگاہ کرے گا۔
اس سے قبل پاکستان کرکٹ بورڈ کے حکام نے کہا تھا کہ بنگلہ دیش کرکٹ بورڈ نے پی سی بی کو لکھے خط میں اس بات کی خواہش کا اظہار کیا تھا کہ بنگلہ دیش کرکٹ ٹیم  صرف ٹی ٹونٹی سیریز کھیلنے کے لیے پاکستان کا دورہ کرے گی۔
پاکستان کرکٹ بورڈ کے حکام کا کہنا تھا کہ بنگلہ دیش کرکٹ بورڈ نے ٹیسٹ سیریز نہ کھیلنے کی وجوہات کا ذکر نہیں کیا۔
پاکستان کرکٹ بورڈ نے بنگلہ دیش کرکٹ بورڈ کو ایک اور خط ارسال کیا تھا جس میں ٹیسٹ سیریز نہ کھیلنے کی تفصیلات پوچھی گئی تھیں۔

پاکستان کرکٹ بورڈ ٹی ٹونٹی اور ٹیسٹ سیریز ایک ساتھ پاکستان میں  منعقد کرنے کا خواہاں ہے۔ فوٹو: اے ایف پی

پاکستان کرکٹ بورڈ ٹی ٹونٹی اور ٹیسٹ سیریز ایک ساتھ پاکستان میں  منعقد کرنے کا خواہاں ہے۔
یاد رہے کہ ‏بنگلہ دیش کرکٹ ٹیم نے شیڈول کے مطابق رواں ماہ ٹی 20 اور ٹیسٹ سیریز کے لیے پاکستان کا دورہ کرنا تھا، لیکن یہ دورہ اس وقت غیر یقینی صورتحال سے دوچار ہے۔
بنگلہ دیش ٹیسٹ میچز نہ کھیلنے، جبکہ پاکستان کرکٹ بورڈ پاکستان میں ہی پہلے ٹیسٹ سیریز کھیلنے کے فیصلے پر قائم ہے۔

شیئر: