’مصری قلوپطرہ‘ بہترین کھلاڑیوں میں شامل

باسکٹ بال کی انٹرنیشنل آرگنائزیشن (فیبا) نے الاھلی کلب میں مصری کھلاڑی ثریا محمد کو سنہ 2019 کے دوران دنیا کی دس بہترین خواتین کھلاڑیوں میں شامل کر لیا۔
سیدتی میگزین کے مطابق ثریا محمد نے یوگنڈا میں منعقدہ افریقن کپ ٹورنامنٹ کے دوران شاندار کارکردگی کا مظاہرہ کیا تھا۔

 ان کی بدولت مصر ٹورنامنٹ کا فاتح رہا۔ ثریا محمد کو بہترین کھلاڑی کا اعزاز دیا گیا تھا۔
باسکٹ بال کی انٹرنیشنل آرگنائزیشن نے اپنی ویب سائٹ پر 2019 کے دوران دس بہترین خواتین کھلاڑیو ں کی فہرست جاری کی ہے ان میں مصری کھلاڑی ثریا محمد کا نام شامل ہے۔
ویب سائٹ پر ثریا محمد کا تعارف بھی دیا گیا ہے اور یہ بھی بتایا گیا ہے کہ کس بنیاد پر بہترین کھلاڑی کا اعزاز دیا گیا ہے۔

انٹرنیشنل آرگنائزیشن نے مصری خاتون کھلاڑی کی تعریف میں پوائنٹس ریکارڈ کیے ہیں۔ ثریا محمد کو مصر کی نئی قلوپطرہ کا لقب بھی دیا گیا ہے۔
ثریا محمد نے باسکٹ بال کی انٹرنیشنل آرگنائزیشن کی جانب سے خود کو دنیا کی دس بہترین خواتین کھلاڑیوں میں شامل کرنے پر خوشی کا اظہار کیا اور کہا کہ آئندہ زیادہ بہتر کارکردگی کا مظاہرہ کروں گی۔

ثریا محمد کا کہنا ہے’ کارکردگی پر فخر ہے۔ اچھی کارکردگی دکھا رہی ہوں۔ عجیب بات یہ ہے کہ اس اعزاز سے قبل بہت کم لوگ کھل کر تعریف کرتے تھے مگر اب ہر ایک نے شاباش دی ہے‘۔ 

• واٹس ایپ پر خبروں کے لیے ’اردو نیوز‘ گروپ جوائن کریں