سعودی عرب کے جنوبی ریجن جازان کی الدرب کمشنری میں نامعلوم افراد نے کم سے کم 8 اے ٹی ایمز میں توڑ پھوڑ کی ہے۔
سبق ویب سائٹ کے مطابق توڑ پھوڑ کا شکار ہونے والی اے ٹی ایمز سے رقم چوری نہیں ہوئی تاہم سکرین کو شدید نقصان پہنچایا گیا ہے۔
الدرب کمشنری پولیس کا کہنا ہے کہ تفتیشی ٹیموں نے ملوث افراد کا سراغ لگانے کا کام شروع کردیا ہے۔
ذرائع کا کہنا ہے کہ ’الدرب کی عام شاہراہوں پر واقع اے ٹی ایمز تخریب کاری کانشانہ بنی ہیں جبکہ ایسی مشینیں جو پٹرول پمپس، مارکیٹس یا بینکس کے اندر تھیں ان میں توڑ پھوڑ نہیں ہوئی۔‘
قبل ازیں ٹوئٹر پر الدرب کمشنری کے رہائشیوں نے متعدد اے ٹی ایم کی تصاویر شیئر کیں جن میں مشینیوں کی سکرینیں ٹوٹی ہوئی نظر آ رہی ہیں۔
ٹوئٹر صارف حسین الحمزی نے توڑ پھوڑ کا نشانہ بننے والی 8 اے ٹی ایم مشینوں کی ویڈیو بھی شیئر کی ہے۔
مجهولين يحطمون ثمانية اجهزة صرافات الي بمحافظة الدرب بمنطقة جازان لأتوقف عندك وان شاء الله يجيبوهم pic.twitter.com/ls3K8jQUvD
— ﮼حسن،الحمزي (@Hassan_Alhamzi) February 18, 2020
