خلیجی ممالک میں کورونا متاثرین کی تعداد 2472 ہو گئی

دنیا کے دیگر ممالک کی طرح خلیجی ممالک میں بھی کورونا وائرس سے متاثرین کی تعداد میں ہر روز اضافہ ہورہا ہے-

عرب میڈیا کے مطابق خلیجی ممالک میں بدھ 25 مارچ  نئے کورونا وائرس سے متاثرین کی مجموعی تعداد  2472 تک پہنچ گئی- صحت یاب کی مجموعی تعداد 359 ریکارڈ کی گئی جبکہ نئے متاثرین کی مجموعی تعداد 264 بتائی گئی ہے-

کورونا وائرس کے مریضوں میں 16 کی حالت نازک ہے- اب تک خلیجی ممالک میں کورونا سے مرنے والوں کی تعداد سات ہے-

متحدہ عرب امارات کی وزارت صحت نے بدھ کو اعلامیہ جاری کرکے بتایا کہ کورونا وائرس کے مریضوں کی تعداد 333 ہوچکی ہے- 85 نئے  متاثرین ریکارڈ پر آئے ہیں- 52 شفا یاب ہوچکے جبکہ دو کی حالت نازک ہے-

کویت میں 4 نئے مریض ریکارڈ پر آئے ہیں- مجموعی تعداد 159 ہوگئی ہے جبکہ چار شفا یاب ہوئے ہیں- کویت میں شفا یاب ہونے والوں کی مجموعی تعداد 43 ہوگئی ہے-

سلطنت عمان کی وزارت صحت کے مطابق بدھ کو 15 نئے مریض ریکاڈ پر آئے ہیں متاثرین کی تعداد 99 ہوگئی ہے-

لیبیا کی وزارت صحت نےکورونا کے پہلہ کیس کی تصدیق کی ہے-

عراق میں کورونا کے 30 نئے مریض آئے ہیں جبکہ دو مریض ہلاک ہوچکے-

لبنان میں بدھ کورونا کے  مزید 29 مریض ریکارڈ پر آئے-

خود کو اپ ڈیٹ رکھیں، واٹس ایپ گروپ جوائن کریں