Sorry, you need to enable JavaScript to visit this website.

امارات میں کورونا مریضوں کی تعداد 468

احتیاطی تدابیر میں مزید ایک ہفتے کی توسیع کردی گئی ہے۔(فوٹو اے پی)
متحدہ عرب امارات  میں ہفتے کو کورونا وائرس کے64 نئے کیس سامنے آنے ہیں متاثرین کی کل تعداد 468 ہوگئی۔
اماراتی وزار ت صحت کے حکام نے پریس کانفرنس میں کہا کہ کورونا کے پھیلاو کو روکنے کےلیے احتیاطی تدابیر پروگرام  میں مزید ایک ہفتے کی توسیع کردی گئی ہے۔
 العربیہ نیٹ کے مطابق امارات کے اٹارنی جنرل برائے پبلک پراسیکیوشن نے ہفتے کو احتیاطی تدابیر کی خلاف ورزی پر جرمانوں کی تفصیل جاری کی ہے۔
بیان کےمطابق ’جو کوئی بھی کسی کام کی ضرورت کے بغیر گھر سے باہر نکلے گااس پر دوہزاراماراتی درہم جرمانہ عائد کیا جائے گا‘۔
 یادرہے کہ امارات کی وزارت صحت اور وزارت داخلہ نے تمام اداروں کے ساتھ مل کر رات  آٹھ سےصبح  چھ  بجے تک قومی صفائی مہم شروع کررکھی ہے۔

 سرکاری تنصیبات، پبلک ٹرانسپورٹ  پر جراثیم کش سپرے کیا جارہا ہے۔(فوٹو سوشل میڈیا)

 تمام سرکاری تنصیبات،شاہراہوں، پبلک ٹرانسپورٹ اور میٹرو سروس پر جراثیم کش سپرے کیا جارہا ہے۔ ہفتے کی رات  الجمیرہ سڈریٹ پر سپرے کیا گیا۔
دریں اثنا الشرق الوسط کے مطابق کویت میں ہفتے کوکورونا وائرس کے دس نئے کیسوں کی تصدیق کی گئی ہے۔متاثرین کی کل تعداد 235 ہو گئی۔
کویتی وزارت صحت کے مطابق نئے مریضوں میں آٹھ بیرون ملک سے کویت پہنچے تھے۔ 
سلطنت عمان میں بھی کورونا وائرس کے اکیس نئے مریض سامنے آئے ہیں۔ 

 

شیئر: