Sorry, you need to enable JavaScript to visit this website.

پاکستان: ایک دن میں2521 کیسز، 74 ہلاک

پاکستان میں کورونا وائرس کی تعداد دو لاکھ 48 ہزار سے تجاوز کر گئی ہے (فوٹو: اے ایف پی)
پاکستان میں گذشتہ 24 گھنٹوں کے دوران کورونا کے دو ہزار 521 کیسز سامنے آئے ہیں جبکہ اس دوران وائرس سے مزید 74 افراد ہلاک ہوئے۔
اتوار کو نیشنل کمانڈ اینڈ آپریشن سینٹر سے جاری ہونے والے اعداد وشمار کے مطابق کورونا وائرس کے کیسز کی تعداد دو لاکھ 48 ہزار871 ہوگئی ہے۔
پاکستان میں وبا سے مجموعی ہلاکتوں کی تعداد پانچ ہزار 197 ہے۔ گذشتہ 24 گھنٹوں کے دوران ملک میں 24 ہزار 211 ٹیسٹ کیے گئے۔
کورونا وائرس کے دس ہزار آٹھ سو 15 ٹیسٹ صوبہ سندھ میں ہوئے، پنجاب میں آٹھ ہزار دو سو 92، خیبر پختونخوا میں دو ہزار تین سو 92، اسلام آباد میں ایک ہزار نو سو 17، بلوچستان تین سو 23، گلگت بلتستان 97 اور پاکستان کے زیر انتظام کشمیر میں تین سو 75 ٹیسٹ ہوئے۔
صوبہ سندھ میں کورونا وائرس کے کیسز کی تعداد ایک لاکھ تین ہزار، پنجاب میں 86 ہزار پانچ سو، اسلام آباد میں 14 ہزار، بلوچستان 11 ہزار ایک سو اور خیبر پختونخوا میں 30 ہزار سے زیادہ کیسز ہیں۔
پاکستان کے زیر انتظام کشمیر میں کورونا وائرس کے کیسز کی تعداد 1564 اور گلگت بلتستان میں 1658 ہے۔
کورونا وائرس سے صحتیاب ہونے والے افراد کی تعداد ایک لاکھ 56 ہزار سات سو ہے جبکہ ایکٹو کیسز کی تعداد 86 ہزار نو سو 75 ہے۔

گذشتہ ایک دن میں دس ہزار سے زیادہ زیادہ ٹیسٹ صوبہ سندھ میں ہوئے (فوٹو: روئٹرز)

گذشتہ 24 گھنٹوں میں سب سے زیادہ ہلاکتیں صوبہ سندھ میں ہوئیں، 32 افراد ہسپتال جبکہ دو اموات ہسپتال کے باہر ہوئیں۔
اسی طرح پنجاب میں بھی 20 افراد ہسپتال میں ہلاک جبکہ ایک ہسپتال کے باہر، خیبر پختونخوا میں 13 افراد ہسپتال میں، اسلام آباد میں پانچ اور پاکستان کے زیرانتظام کشمیر میں ایک فرد کورونا وائرس کی وجہ سے ہسپتال میں ہلاک ہوا۔
 

شیئر: