اردن: اگست سے فلائٹس کی جزوی بحالی   

اردن کی سول ایوی ایشن کے ذرائع نے کہا ہے کہ اگست کے مہینے میں کمرشل پروازیں جزوی طور پر بحال کردی جائیں گی-

محفوظ  ہوائی اڈوں کے لیے بین الاقوامی طور پر منظور شدہ کئی یورپی و ایشیائی ممالک کے لیے پروازیں جاری کی جائیں گی-

سبق ویب سائٹ کے مطابق اردنی حکومت کے ترجمان  امجد العضایلۃ نے اردن کے ٹی وی چینل سے گفتگو کرتے ہوئے کہا کہ ملکہ علیا انٹرنیشنل ایئرپورٹ سے شیڈول کی کمرشل پروازیں مارچ 2020 میں معطل کر دی گئی تھیں- یہ پروازیں اگست کے  پہلے یا دوسرے ہفتے سے بحال کردی جائیں گی-

حکومتی ترجمان ’العضایلۃ‘ نے مزید کہا کہ وبا سے محفوظ ممالک سے آنے والے مسافروں کو اردن آنے کی اجازت ہوگی- ان میں آسٹریاِ، سوئٹزرلینڈ، جرمنی، اٹلی، یونان اور ہانگ کانگ شامل ہیں- مستقبل میں وبائی تبدیلیوں کے تناظر میں دیگر ممالک کو بھی شامل کرلیا جائے گا-

خلیجی ممالک جہاں اردنی روزگار کے لیے پہنچے ہوئے ہیں وہاں سے ابھی تک پروازیں بحال کرنے کا فیصلہ نہیں کیا گیا-