مکہ کے لیبر کیمپ میں غیر ملکی کارکن کی خود کشی

 سعودی عرب میں مکہ مکرمہ کے علاقے العزیزیہ میں ایک بنگلہ دیشی کارکن نے خودکشی کر لی ۔ کارکن کی پھندا لگی نعش اس کی رہائش سے ملی ہے۔

ویب نیوز سبق نے اپنے ذرائع کے حوالے سے خبر دی ہے کہ مکہ مکرمہ میں پولیس کو اطلاع ملی کہ العزیزیہ کے علاقے میں کے ایک لیبر کیمپ میں غیر ملکی کارکن کی نعش پائی گئی ہے۔

اطلاع ملتے ہی پولیس لیبر کیمپ پہنچ گئی جہاں نعش رسی سے لٹک رہی تھی۔ ابتدائی معلومات کے مطابق کارکن نے خودکشی کی تھی اس نے رسی کا پھندا بنا کر خود کو ہلاک کیا۔

پولیس واقعے کی تحقیقات کر رہی ہے جبکہ نعش کو ابتدائی پوسٹ مارٹم کے بعد ہسپتال کے سرد خانے میں رکھوا دیا گیا ہے۔