زین الدین احمد، -اردو نیوز، کوئٹہ
بلوچستان کے شہر چمن میں پاکستان اور افغانستان کو ملازنے والے سرحدی گیٹ پر پاکستانی فورسز اور مشتعل مظاہرین کے درمیان جھڑپ کے نتیجے میں ایک خاتون ہلاک جبکہ 20 سے زائد افراد زخمی ہوئے ہیں۔
مزید پڑھیں
-
کورونا وائرس: سرحدوں کی بندش، تجارت متاثرNode ID: 463086 -
پاک افغان سرحد مزید ایک ہفتے کے لیے بندNode ID: 463741 -
چمن بارڈر پر آمدورفت کے لیے اب ’پاسپورٹ لازمی‘Node ID: 490891
یہ جھڑپ سرحد نہ کھولنے کے تنازع پر ہوئی ہے جس کے دوران مشتعل مظاہرین نے سرکاری املاک کے ساتھ ساتھ قرنطینہ مرکز کو نذر آتش کیا اور پاک افغان باب دوستی گیٹ کو بھی نقصان پہنچایا۔
جمعرات کو ہونے والی اس جھڑپ کے بعد شہر میں حالات کشیدہ ہونے کے پیش نظر فورسز کی اضافی نفری طلب کر لی گئی ہے۔
چمن سول ہسپتال کے ایک ڈاکٹر عبدالمالک نے بتایا کہ ہسپتال میں ایک خاتون کی لاش لائی گئی ہے جبکہ 20 سے زائد زخمیوں کو طبی امداد دی جا رہی ہے.
چمن میں سرحد کی بندش کے خلاف گذشتہ دو ماہ سے آل پارٹیز تاجر اتحاد نے دھرنا دے رکھا ہے، مظاہرین کا مطالبہ ہے کہ پاک افغان چمن سرحد پر آمد و رفت کی آزادانہ نقل و حمل کی اجازت دی جائے۔
پاکستان نے رواں سال مارچ میں کورونا وائرس کی منتقلی کے خدشے کے پیش نظر ایران کے بعد پاک افغان سرحد کو چمن کے مقام پر بند کردیا تھا۔
