پاکستان اور انگلینڈ کی ٹیموں کے درمیان مانچسٹر کے اولڈ ٹریفرڈ سٹیڈیم میں پہلے ٹیسٹ کی پہلی اننگز میں پاکستان کی پوری ٹیم 326 رنز بنا کر آؤٹ ہو گئی۔
362 رنز کے جواب میں انگلینڈ نے دوسرے دن کے کھیل کے اختتام پر چار وکٹوں پر 92 رنز بنائے۔ اولی پوپ 46 اور جوس بٹلر 15 رنز پر ناٹ آؤٹ ہیں۔
قبل ازیں جب میزبان انگلینڈ نے بیٹنگ شروع کی تو اسے ابتدا میں ہی نقصان اٹھانا پڑا۔
شاہین شاہ آفریدی کے اوور میں آر جے برنس کے خلاف ایل بی ڈبلیو کی اپیل جب امپائر نے مسترد کی تو پاکستان نے ریویو لیا جس پر انہیں آؤٹ قرار دے دیا گیا۔ انگلینڈ کو چار رنز کے مجموعی سکور پر پہلا نقصان اٹھانا پڑا۔
اظہر علی کے اس ریویو کو سوشل میڈیا پر موجود کرکٹ شائقین کی جانب سے سراہا بھی گیا۔
دوسرے انگلش اوپنر ڈوم سبلے آٹھ رنز بنانے کے بعد محمد عباس کی گیند پر ایل بی ڈبلیو ہوئے تو انگلش ٹیم کا مجموعی سکور 12 تھا۔
12 ہی کے مجموعی سکور پر بین سٹوکس بھی پچ پر پڑنے کے بعد اندر کو آتی ہوئی گیند کو نہ سمجھ سکنے کی وجہ سے بغیر کوئی رن بنائے آؤٹ ہو گئے۔ ان کی وکٹ پاکستانی پیسر محمد عباس کے حصے میں آئی۔ یاسر شاہ نے جو روٹ کو آؤٹ کیا۔
We have lost three early wickets against the new ball.
Scorecard/Clips: https://t.co/q1IXtTZFvR#ENGvPAK pic.twitter.com/LZX1S7k6KP
— England Cricket (@englandcricket) August 6, 2020
قبل ازیں پاکستانی بیٹنگ کے دوران اوپنر بلے باز شان مسعود نےنمایاں کارکردگی دکھاتے ہوئے 156 رنز بنائے۔
جمعرات کو دوسرے دن کے کھیل کا آغاز ہوا تو بابر اعظم 69 رنز بنا کر جیمز اینڈرسن کی گیند پر کیچ آؤٹ ہوئے۔ اسد شفیق صرف سات رنز ہی بنا سکے اور سٹوارٹ براڈ کی گیند پر آؤٹ ہو گئے۔ اس کے بعد محمد رضوان آئے جو نو رنز بنا کر پویلین کو لوٹ گئے۔ آل راؤنڈر کے طور پر ٹیم میں موجود شاداب خان ایک اچھی اننگز کھیلنے کے بعد 45 رنز بنا کر آؤٹ ہوئے۔
شاداب کے بعد پاکستانی بلے باز کریز پر ٹھہر نہ سکے اور سکور میں معمولی سا اضافہ کرتے ہوئے آؤٹ ہوتے چلے گئے۔
بدھ کو انگلینڈ اور پاکستان کے درمیان پہلے ٹیسٹ میچ کے پہلے روز کا کھیل بارش اور خراب روشنی کے باعث جلدی ختم کر دیا گیا تھا، ابتدائی دن صرف 49 اوورز کا کھیل ہو سکا تھا۔
جب خراب روشنی کے باعث امپائرز کے کھیل وقت سے پہلے ختم کرنے کا اعلان کیا تو اس وقت بابر اعظم اور شان کریز پر موجود تھے۔
مزید پڑھیں
-
کرس ووکس: ’بالکل فکر نہیں ہے‘Node ID: 496441
-
پہلا ٹیسٹ: 16 رکنی پاکستانی ٹیم کا اعلانNode ID: 496536
-
پہلا ٹیسٹ:خراب روشنی کے باعث پہلے دن کا کھیل جلد ختمNode ID: 496811