Sorry, you need to enable JavaScript to visit this website.

مدینہ منورہ: 1.35 ملین ریال کی چوری کرنے والے 2 سال بعد گرفتار

واردات دو سال قبل کی گئی تھی- فوٹو عرب نیوز
مدینہ پولیس  نے 1.35 ملین ریال مالیت کے زیورات اور نقدی چوری کرنے والوں کو گرفتار کرلیا
مدینہ پولیس نے دوبرس قبل 1439ھ میں چوری کی واردات کرنے والوں کو بالاخر گرفتار کرلیا-  انہوں نے  1.35 ملین ریال کے زیورات اور نقدی چوری کی تھی-
سعودی خبررساں ادارے ایس پی اے کے مطابق مدینہ پولیس کے ترجمان حسین القحطانی نے بتایا کہ ہمارے سراغرساں واردات کرنے والوں کے  تعاقب میں تھے- چوری کی منصوبہ بندی بہت سوچ سمجھ کر کی گئی تھی- اس میں 2 سعودی شہری اور تین یمنی ملوث پائے گئے- سعودی عمر کے دوسرے عشرے میں ہیں-
پانچوں نے ایک لاکھ 80 ہزار ریال اور 1.2 ملین ریال سے زیادہ مالیت کے زیورات ایک گھر سے چوری کیے تھے-
چوروں کے قبضے سے  رقم کا بڑا حصہ اور زیورات برآمد کرلیے گئے- انہیں حراست میں لے کر ایف آئی درج کرکے پبلک پراسیکیوشن کے حوالے کردیا گیا-

 

 
خود کو اپ ڈیٹ رکھیں، واٹس ایپ گروپ جوائن کریں

شیئر: