سعودی وزیر خارجہ شہزادہ فیصل بن فرحان نے کہا ہے کہ قومی ضوابط اور حفظان صحت کی تدابیر کی پابندی کے ساتھ بین الاقوامی سرحدیں کھولنے سے معیشت پھلے پھولے گی-
اخبار 24 کے مطابق فیصل بن فرحان جمعرات کو جی 20 کے وزرائے خارجہ اجلاس سے آن لائن خطاب کررہے تھے- سرحدیں کھولنےسے وبا پر قابو پانے کے سلسلے میں سب لوگ پرامید ہوجائیں گے-
مزید پڑھیں
-
جی 20 مذہبی اقدار فورم کا تیاری اجلاسNode ID: 501046
جی 20 کے وزرائے خارجہ نے عہد کیا ہے کہ وہ انسانی جانوں کی سلامتی کے لیے سرحد پار حفاظتی اقدامات اور بین الاقوامی تعاون بڑھائیں گے-
وزرائے خارجہ نے توجہ دلائی کہ خوشحالی کے لیے بین الاقوامی سرحدیں کھولنا، منتشر خاندانوں کو اکھٹا کرنا اور وائرس سے بچاؤ کے لیے اقدامات بہتر بنانا ضروری ہے-
جی 20 کے وزرائے خارجہ نے کہا کہ وہ عوام کی صحت و سلامتی کی خاطر ایثار اور قربانی کا مظاہرہ کرنے والے فرنٹ لائن کارکنان کو سیلوٹ کرتے ہیں-
عاجل ویب سائٹ کے مطابق جی 20 کے وزرائے خارجہ نے اس یقین کا اظہار کیا ہے کہ معیشت کے پہیے کو متحرک کرنے کے لیے سرحدیں کھولنا ضروری ہے- انہوں نے وبا سے رونما ہونے والے المناک مسائل اور جانوں کے ضیاع پر افسوس کا اظہار کیا-
خود کو اپ ڈیٹ رکھیں، واٹس ایپ گروپ جوائن کریں