Sorry, you need to enable JavaScript to visit this website.

آرتھرائٹس کے ساتھ زندگی کیسے گزاری جائے؟

آرتھرائٹس سے بچنے کے لیے صحت مند زندگی گزارنا ضروری ہے۔ فوٹو فری پک
جوڑوں میں درد کے باعث چلنے پھرنے میں فرق پڑنا اور جسم کی حرکت کا محدود ہونا اکثر آرتھرائٹس کی وجہ سے ہوتا ہے۔ آرتھرائٹس کے بارے میں عالمی سطح پر آگاہی کا دن 12 اکتوبر کو قرار دیا گیا ہے۔
آرتھرائٹس کا شکار افراد کو معمولات زندگی نبھانے میں دشواری کا سامنا رہتا ہے، لیکن چند طریقے اپنانے سے آرتھرائٹس سے جڑی مشکلات کو کم کیا جا سکتا ہے۔ ان میں ورزش، کھانے میں مناسب غذا، طبی مدد اور فزیکل تھراپی شامل ہیں

مناسب غذا

ہر عمر کے افراد کو کھانے میں ایسی خوراک لینی چاہیے جو ان کے جسم کو ہر ضروری غذائیت پہنچانے کا باعث بنے۔ لیکن آرتھرائیٹس کا شکار افراد کو غذا کے چناؤ میں اس بات کا خصوصی خیال رکھنا چاہیے کہ اس سے وزن بھی نہ بڑھے اور ہڈیاں بھی صحت مند رہیں۔
آرتھرائیٹس کے مرض میں مبتلا افراد کو خوراک میں پھل، سبزیاں، مچھلی، انڈے اور دودھ کے علاوہ سٹارچ سے بھرپور غذا جیسے آلو، روٹی اور چاول شامل کرنے چاہیے۔

ورزش

اگر ہڈیوں کو ورزش کی مدد سے صحت مند نہ رکھا جائے تو آرتھرائٹس انسان کو معذور بھی کر سکتا ہے۔

 آرتھرائٹس کا شکار افراد کو باقاعدگی سے ورزش کرنی چاہیے۔ فوٹو فری پک

آرتھرائٹس کے مریضوں کے لیے ضروری ہے کہ وہ اپنی ہڈیوں کو اکڑنے نہ دیں۔ اس کے لیے ضروری ہے کہ ورزش کے ذریعے ہڈیاں لچک دار رہیں۔
تاہم سنگین کیسز میں نگرانی کے بغیر ورزش کرنا خطرناک ہو سکتا ہے۔

ہڈیوں کا خیال رکھنا

چند آسان طریقے اپنانے سے ہڈیوں کا خیال رکھا جا سکتا ہے۔ ان میں کسی چیز کو زور سے نہ پکڑنا، بھاری سامان نہ اٹھانا، چہل قدمی کے وقت اپنے جسم کو ٹھیک پوزیشن میں رکھنا اور درست جوتے پہننا شامل ہیں
آرتھرائٹس کے افراد کے لیے سب سے آسان طریقہ یہ ہے کہ وہ اپنے جوڑوں کو حرکت میں رکھیں چاہے ٹی وی دیکھتے ہوئے یا بستر پر لیٹے ہوئے ہی کوئی معمولی سی ورزش کریں تاکہ جوڑوں کو اکڑنے سے بچایا جا سکے۔  

 

باخبر رہیں، اردو نیوز کو ٹوئٹر پر فالو کریں

شیئر: