ہسپتال کے فرض شناس سیکیورٹی گارڈ کو سرپرائز
ڈیوٹی کی غیرمعمولی پابندی کی ستائش کی گئی ہے۔ (فوٹو العربیہ)
سعودی وزیر صحت ڈاکٹر توفیق الربیعہ نے ریاض کے ایک ہسپتال میں فرض شناس سیکیورٹی گارڈ کو یادگاری تحفہ اور شکریے کا خط پیش کرکے سرپرائزدیا ہے۔
سیکیورٹی گارڈ کو دیے گئے خط میں اس کے اخلاص اور ڈیوٹی کی غیرمعمولی پابندی کی ستائش کی گئی ہے۔
العربیہ چینل نے اس حوالے سے سیکیورٹی گارڈ کے نام وزیر صحت کے خط کی تفصیلات پیش کی ہیں۔
الربیعہ نےبتایا کہ وزیر صحت نے خط میں لکھ کہ ’رفیق کار محمد الحارثی آپ کی حسن کارکردگی، ایثار، آنے جانے والے افراد کا خیر مقدم، عالی ہمتی، خوش گفتاری اور مسکرا کر استقبال کرنا سب کو اچھا لگ رہا ہے۔ میں سب کی جانب سے آپ کا شکریہ ادا کرتا ہوں۔ آپ کے لیے ممنونیت اور قدرومنزلت کے جذبات رکھتا ہوں‘۔
وزارت صحت کے ایک عہدیدار نے وزیر صحت کی نیابت کرتے ہوئے تحفہ اور توصیفی سند الحارثی کو پیش کیا ہے۔
سیکیورٹی گارڈ کی حسن کارکردگی کی رپورٹ وزارت صحت کے ایک اعلی عہدیدار نےدی تھی جنہیں ہسپتال میں مختلف لوگوں کی کارکردگی کا جائزہ لیے کے لیے بھیجا گیا تھا۔
