درعیہ میں فارمولا ای ریس کا آغاز کل سے

درعیہ میں فارمولا ای کار ریس کا آغاز کل جمعہ سے ہوگا۔

سبق ویب سائٹ کے مطابق کار ریس کی تمام تیاریاں مکمل کرلی گئی ہیں۔

انتظامیہ کا کہنا ہے کہ ’ریس 26 اور27 فروری کو جاری رہے گی جس میں دنیا بھر سے معروف رائیڈر وں کے علاوہ سعودی نوجوان بھی شریک ہیں‘۔

’فارمولا ای مقابلوں میں پہلی مرتبہ یہ ریس رات کے وقت ہورہی ہے جس کے لیے ایل ای ڈی لائٹوں کا اہتمام کیا گیا ہے‘۔

سعودی لیگ برائے کار وبائک ریس کے سربراہ شہزادہ خالد بن سلطان الفیصل نے کہا ہے کہ ’فارمولا ای مقابلے کا یہ تیسرا سیزن ہے، اس سے پہلے گزشتہ دو سالوں میں بھی اس کا انعقاد ہوچکا ہے‘۔