اسرائیل خود مختار فلسطینی ریاست کے قیام کو منظور کرے: عمانی وزیر خارجہ

سلطنت عمان کے وزیر خارجہ بدر البوسعیدی نے اپنے اسرائیلی ہم منصب سے کہا ہے کہ بہتر ہوگا کہ نئی اسرائیلی حکومت خودمختا ر فلسطینی ریاست کے قیام اور مشرقی القدس کو اس کا دارالحکومت بنانے والے عربوں کے امن اقدام کو منظور کرلے- اس حوالے سے غیرمعمولی اقدامات کرے-  

عمانی خبررساں ادارے کے مطابق بدر البوسعیدی نے کہا کہ امن عمل کے حوالے سے سلطنت عمان کی پالیسی غیر متزلزل ہے- 

عمانی خبررساں ادارے کا کہنا ہے کہ اسرائیلی وزیرخارجہ نے جمعرات کو البوسعیدی سے ٹیلیفونک رابطہ کیا تھا- اسرائیل میں نئی حکومت کی تشکیل  کے بعد نئے اسرائیلی وزیر خارجہ نے اپنی وزارت کا قلمدان سنبھالنے کے بعد اسی مناسبت سے  البوسعیدی سے رابطہ کیا ہے-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں