قرنطینہ ضوابط، پاکستانی قیدیوں کی رہائی، ویکسین کی دوسری خوراک سمیت گذشتہ ہفتے سعودی عرب میں کیا ہوا؟
قرنطینہ ضوابط، پاکستانی قیدیوں کی رہائی، ویکسین کی دوسری خوراک سمیت گذشتہ ہفتے سعودی عرب میں کیا ہوا؟
اتوار 27 جون 2021 0:04
سعودی عرب میں ویکسین کی دوسری خوراک کے بارے میں اطلاع، 17 ممالک سے مسافروں کے سعودی عرب آنے کے حوالے سے ضوابط، مساجد میں ایس او پیز کے علاوہ سعودیوں کے نام پر غیرملکیوں کے کاروبار، پاکستانی قیدیوں کی رہائی سمیت سعودی عرب سے گذشتہ ہفتے کی اہم خبروں پر ایک نظر:
سعودی عرب آنے والوں کے لیے قرنطینہ کے نئے ضوابط جاری
سعودی عرب کے محکمہ شہری ہوابازی نے مملکت آنے والوں کے لیے ہوٹل قرنطینہ کے نئے ضوابط جاری کردیے ہیں-
کورونا ویکسین کی دوسری خوراک جمعرات سے کن افراد کو ملے گی؟
سعودی وزارت صحت نے کہا ہے کہ کورونا ویکسین کی پہلی خوراک حاصل کرنے والے وہ افراد جن کی عمر پچاس برس یا اس سے زیادہ ہوگی اور پہلی ویکسین لیے 42 دن گزر چکے ہوں وہ جمعرات 24 جون 2021 ویکسین کی دوسری خوراک حاصل کرسکتے ہیں۔
’سعودیوں کے نام سے غیرملکیوں کے کاروبار کے خاتمے میں تیزی لائی جائے‘
اقتصادی و توانائی کمیٹی نے رپورٹ میں کہا کہ ’تجارتی پردہ پوشی کے انسداد کے پروگرام میں تیزی لانے کی ضرورت ہے کیونکہ سعودیوں کے نام سے غیرملکیوں کے کاروبار کے باعث ملک میں مسابقت کا نا مناسب ماحول ہے۔‘
سعودی قوانین کی خلاف ورزی کرنے والوں کے خلاف کارروائی کی جا رہی ہے( فوٹو ایس پی اے)
اقامہ و لیبر قوانین کی خلاف ورزی کرنے والوں کے خلاف سیکیورٹی آپریشن
سعودی عرب میں محکمہ امن عامہ کے ترجمان بریگیڈیئر سامی الشویرخ نے کہا ہے کہ ’مملکت بھر میں سعودی قوانین کی خلاف ورزی کرنے والوں کی گرفتاری کے لیے سیکیورٹی آپریشن شروع کردیے گئے ہیں‘۔
فضائی مسافروں کے بورڈنگ پاس توکلنا سے جوڑنے کا اعلان
جنرل اتھارٹی آف سول ایوی ایشن (جی اے سی اے)نے تمام قومی ایئر لائنز کے لئےاندرون ملک پروازوں کے بورڈنگ پاس کے اجراء کے بعد صحت کی حیثیت سے توکلنا ایپ کے ساتھ جوڑنے کا اعلان کیا ہے۔
بورڈنگ پاس توکلنا ایپ کے ساتھ جوڑنے کا اعلان کیا گیا ہے۔(فوٹو ایس پی اے)
شاہی معافی، ریاض میں 65 پاکستانی قیدیوں کی سزا معاف
سعودی عرب میں پاکستانی سفیر لیفٹیننٹ جنرل (ریٹائرڈ) بلال اکبر نے کہا ہے کہ شاہ سلمان بن عبدالعزیز کی ہدایت پر قیدیوں کو دی گئی معافی کے تحت 65 پاکستانی قیدیوں کی باقی سزا بھی معاف کی گئی ہے۔
توکلنا میں زیر کفالت افراد کی معلومات بھی حاصل کی جا سکتی ہیںNode ID: 539026
توکلنا میں زیر کفالت فرد کا نام ظاہر نہ ہو تو کیا کریں؟Node ID: 539631
