پاکستان کے بولنگ کنسلٹنٹ ورنن فلینڈر کا واپسی کا اعلان

پاکستان کرکٹ ٹیم کے بولنگ کنسلٹنٹ ورنن فلینڈر پاکستان کرکٹ ٹیم چھوڑ کر جنوبی افریقہ جا رہے ہیں۔

کرکٹ کی ویب سائٹ کِرک انفو کے مطابق جنوبی افریقہ کرکٹ ٹیم کے سابق کھلاڑی اور پاکستان کرکٹ ٹیم کے بولنگ کنسلٹنٹ ورنن فلینڈر پاکستان کرکٹ ٹیم کے ساتھ دورہ بنگلہ دیش پر موجود ہیں۔ جو کہ کورونا وائرس کی نئی قسم ’اومی کرون‘ کے باعث چٹوگرام میں ببل سکواڈ چھوڑ کر اپنے ملک جنوبی افریقہ واپس جا رہے ہیں۔

پاکستان بمقابلہ بنگلہ دیش ٹیسٹ سیریز کے پہلے میچ کے چوتھے دن ورنن فلینڈر نے اپنے جنوبی افریقہ جانے کا اعلان کیا۔

پاکستان کرکٹ بورڈ کے ٹویٹر ہینڈل پر ویڈیو شیئر کی گئی جس میں پاکستان کرکٹ ٹیم نے بولنگ کنسلٹنٹ ورنن فلینڈر کو پاکستان کرکٹ ٹیم کے کوچ ثقلین مشتاق اور دیگر ٹیم ممبرز نے الوداع کہا اور انہوں نے پاکستان کرکٹ ٹیم کے کھلاڑیوں کو پیغام دیا۔

ورنن فلینڈر کی جانب سے ببل سکواڈ چھوڑنے کا فیصلہ پروازیں معطل ہونے کی وجہ سے کیا گیا۔

پاکستان کرکٹ بورڈ کی جانب سے لکھا گیا ہے کہ ’پاکستان کرکٹ ٹیم نے دورے کے اختتام پر اپنے بولنگ کنسلٹنٹ ورنن فلینڈر کو گرم جوشی سے رخصت کیا۔‘

ورنن فلینڈر نے سماجی رابطوں کی ویب سائٹ ٹویٹر پر پاکستان کرکٹ ٹیم کو پیغام دیتے ہوئے لکھا کہ ’بہت خاص لوگوں کا بہت شکریہ۔ مجھے تمام لوگوں کے ساتھ کام کرنے سے لطف اندوز ہوا ہوں۔‘

ورنن فلینڈر نے مزید کہا کہ ’میں آپ سب کھلاڑیوں کو بہتر جانتا ہوں اور میں جلد واپس آؤں گا۔ بقیہ دورے کے لیے گُڈ لک، اس عظیم کام کو جاری رکھیں جو آپ کر رہے ہیں۔‘