ارجنٹائن میں پاکستانی سفارت خانے کا انسٹاگرام اکاؤنٹ بدھ کو کچھ دیر کے لیے ہیک کرلیا گیا تھا۔
اپنے ایک ٹوئٹر بیان میں ارجنٹائن میں پاکستانی سفارت خانے کا کہنا تھا کہ ’ارجنٹائن میں پاکستانی سفارت خانے کا اکاؤنٹ کچھ دیر پہلے ہیک ہوگیا تھا۔‘
ٹویٹ میں سفارت خانے کا مزید کہنا تھا کہ ’اسے اب ریکور کرلیا گیا ہے۔‘
مزید پڑھیں
-
انڈین وزیراعظم نریندر مودی کا ٹوئٹر اکاؤنٹ ایک مرتبہ پھر ہیکNode ID: 626356
-
’جاسوسی اور ہیکنگ میں ملوث‘ فیس بک اور انسٹاگرام اکاؤنٹس بندNode ID: 627841
پاکستانی سفارت خانے کا مزید کہنا تھا کہ ’برائے مہربانی نوٹ فرمالیں پچھلے ایک گھنٹے میں اس اکاؤنٹ سے جو بھی پیغامات بھیجے گئے، انہیں ارجنٹائن میں سفارت خانے نے نہیں بھیجا۔‘
The Instagram account of the Embassy of Pakistan in Argentina was hacked a while ago. It has now been recovered.
Please note that all messages posted through this account in last one hour were not from the Embassy of Pakistan in Argentina.
— Pakistan Embassy Argentina (@PakinArgentina) December 22, 2021
اس سے قبل پاکستانی دفتر خارجہ نے ایک ٹویٹ میں تصدیق کی تھی کہ سفارت خانے کا اکاؤنٹ ہیک کرلیا گیا ہے، جسے انسٹاگرام کو رپورٹ بھی کردیا گیا ہے۔
انسٹاگرام میسج میں کیا تھا؟
پاکستانی سفارت خانے کے ٹوئٹر اکاؤنٹ سے ایک تصویر شیئر کی گئی تھی جس میں وزیراعظم عمران خان سابق صدر ممنون حسین سے بحیثیت حکومت کے سربراہ حلف لے رہے ہیں۔
تصویر کے ساتھ لکھا تھا کہ ’ہم شاید ارجنٹائن کے ساتھ کی گئی جے ایف 17 [تھنڈر] کی ڈیل بھی کھو دیں۔‘
انسٹاگرام پوسٹ میں مزید کہا گیا تھا کہ ’اسلام آباد میں سیاسی ردوبدل شاید (دنیا کے )پاکستان کے اوپر انحصار اور اس کی ساکھ کے احیا کا باعث بنے۔‘