مولانا فضل الرحمان کو ڈیزل نہ کہنا، خاتون مسافر پر تشدد، دوران پرواز مسافر کو دل کا دورہ اور بیٹی کیوں پیدا ہوئی سمیت اہم خبریں
مولانا فضل الرحمان کو ڈیزل نہ کہنا، خاتون مسافر پر تشدد، دوران پرواز مسافر کو دل کا دورہ اور بیٹی کیوں پیدا ہوئی سمیت اہم خبریں
ہفتہ 12 مارچ 2022 0:07
عمران خان کے مطابق ’جنرل باجوہ نے مجھے کہا ہے کہ فضل الرحمان کو آپ نے ڈیزل نہیں کہنا‘۔ (فوٹو: مسلم لیگ ن)
’تکنیکی خرابی‘ کی وجہ سے انڈیا کا ایک میزائل پاکستانی علاقے میں گرنے، مولانا فضل الرحمان کو ’ڈیزل‘ نہ کہنا، نور مقدم کیس میں ملزمان کی سزائیں بڑھانے کی اپیل، فوج کا سیاست سے کوئی تعلق نہیں اور بیٹی کیوں پیدا ہوئی سمیت گزشتہ ہفتے کی اہم خبریں۔
جلسے میں شرکت کیوں کی؟ الیکشن کمیشن کا وزیراعظم اور وزرا کو نوٹس
الیکشن کمیشن نے تیمرگرہ کے جلسے میں شرکت اور ضابطہ اخلاق کی خلاف ورزی پر وزیراعظم عمران خان کو نوٹس جاری کردیا ہے۔
نور مقدم کیس کے مدعی نے ملزمان کی سزائیں بڑھانے کی اپیل کی ہے۔ (فوٹو: اے ایف پی)
’جنرل باجوہ نے مجھے کہا ہے کہ فضل الرحمان کو آپ نے ڈیزل نہیں کہنا‘
وزیراعظم عمران خان نے کہا ہے کہ ’ان کی ابھی جنرل قمر جاوید باجوہ سے بات ہوئی ہے، انہوں نے مجھے کہا ہے کہ مولانا فضل الرحمان کو آپ نے ڈیزل نہیں کہنا۔ میں نے جنرل باجوہ سے کہا کہ میں نہیں کہتا، عوام نے اس کا نام ڈیزل رکھا ہے۔‘
مویشیوں کی بیماری ’لمپی سکن‘ کا پھیلاؤ، بیرون ملک سے ویکسین درآمد کرنے کا فیصلہ
سندھ میں شروع ہونے والی مویشیوں کی بیماری لمپی سکن ملک بھر میں پھیلنے سے روکنے کے لیے وفاقی اور صوبائی حکومتوں نے مشترکہ حکمت عملی پر کام شروع کردیا ہے جس میں صوبوں میں مویشیوں کی نقل و حمل پر پابندی اور بیماری کے خلاف ویکسین کی درآمد سمیت متعدد اقدامات پر غور کیا گیا۔
الیکشن کمیشن نے جلسے میں شرکت اور ضابطہ اخلاق کی خلاف ورزی پر وزیراعظم عمران خان کو نوٹس جاری کیا۔ (فوٹو: پی ٹی آئی ٹوئٹر)
’فوج کا سیاست سے کوئی تعلق نہیں، یہ ایسا ہی ہے اور ایسا ہی رہے گا‘
پاکستان کی فوج کے شعبہ تعلقات عامہ (آئی ایس پی آر) کے سربراہ میجر جنرل بابر افتخار نے کہا ہے کہ فوج کا سیاست سے کوئی لینا دینا نہیں ہے۔ یہ ایسا ہی ہے اور ایسا ہی رہے گا۔
پی آئی اے کی پرواز کے دوران مسافر کو دل کا دورہ مشکوک نکلا
کراچی سے ٹورنٹو جانے والی پی آئی اے کی پرواز میں مسافر کو پڑنے والا دل کا دورہ مشکوک قرار پایا ہے، میڈیکل رپورٹ کے مطابق مسافر کو دل کا دورہ نہیں پڑا تھا۔ پرواز کو واپس کراچی اتارنے پر قومی ایئرلائن کو بھاری نقصان کا سامنا کرنا پڑا ہے۔
’مجھے کیوں نکالا‘ سے ’گھبرانا نہیں ہے‘ تک سیاستدانوں کے مشہور جملے
وزیراعظم عمران خان کے بارے میں مشہور ہے کہ اپنی تقاریر یا میڈیا ٹاک کے دوران بعض اوقات ایسا جملہ کہہ دیتے ہیں جو بعد میں دیر تک سوشل میڈیا یا انٹرنیٹ پر زیرِ بحث رہتا ہے۔ ان کے سیاسی ناقدین ایسے ہی جملوں کو ان پر تنقید کے لیے استعمال کرتے رہتے ہیں۔
پتنگ کی ’قاتل ڈور‘ کو روکنے کے لیے پنجاب پولیس کے جدید حربے
پاکستان میں پتنگ اڑانے پر پابندی لگے دو دہائی سے زائد کا عرصہ ہو چکا ہے، لیکن اس کھیل کی سماج میں جڑیں اتنی مضبوط ہیں کہ آج بھی اس کو مکمل طور پر ختم نہیں کیا جا سکا۔
فروری اور مارچ یعنی بہار کا موسم پتنگ بازوں کا محبوب موسم کہلاتا ہے۔ (فوٹو: اے ایف پی)
’وسیم اکرم پلس‘ عثمان بزدار کا مستقبل کیا ہوگا؟
پاکستان میں حزب اختلاف کی جماعتوں نے وزیراعظم عمران خان کے خلاف قومی اسمبلی میں تحریک عدم اعتماد جمع کرا دی ہے۔ وزیراعظم کو اس بار نہ صرف اپنے خلاف تحریک کو ناکام بنانے کا چیلنج درپیش ہے بلکہ سب سے بڑے صوبے پنجاب کے وزیراعلی عثمان بزدار کی کرسی بھی خطرے میں ہے۔
جیل کے دروازے پر چھ پیاروں کی لاشیں، قیدی آخری دیدار نہ کرسکا
غیر قانونی طور پر افغانستان سے پاکستان داخل ہونے اور اس جرم میں جیل جانے والے قیدی عبداللہ کے لیے اس سے بڑا کیا المیہ ہوگا کہ اس کی رہائی سے صرف ایک روز پہلے اس کے خاندان کے چھ افراد کو انتہائی بے دردی سے قتل کر دیا گیا۔
مارچ کی کوریج کرنے والے ڈرون کے ٹکرانے سے آصفہ بھٹو زخمی
خانیوال میں پیپلز پارٹی کے عوامی مارچ کے دوران سابق وزیراعظم بے نظیر بھٹو کی صاحبزادی آصفہ بھٹو زرداری کے چہرے سے کوریج کرنے والا ڈرون کیمرا ٹکرا گیا جس سے وہ زخمی ہوگئیں۔
