پاکستان کے وزیراعظم عمران خان کے عوامی جلسوں میں خطاب کے معاملے پر الیکشن کمیشن کی جانب سے جاری نوٹسز کے خلاف اسلام آباد ہائی کورٹ میں درخواست دائر کی گئی ہے۔
حکمراں جماعت تحریک انصاف کے سیکرٹری جنرل اور وفاقی وزیر اسد عمر نے جمعرات کو اپنی ٹویٹ میں لکھا کہ ’دیر جلسے کے بعد الیکشن کمیشن کی جانب سے جاری کیے گئے نوٹسز کے خلاف ہائی کورٹ میں پٹیشن فائل کر دی ہے۔‘
مزید پڑھیں
-
جلسے میں شرکت کیوں کی؟ وزیراعظم اور وزرا کو نوٹسNode ID: 651926
انہوں نے لکھا کہ ’صدارتی آرڈیننس کے اجراء کے بعد عوامی عہدے رکھنے والے عوامی سطح پر مہم چلانے کے اہل ہیں۔ الیکشن کمیشن کسی بھی مروجہ قانون کو نظر انداز نہیں کر سکتا۔‘
اسلام آباد ہائی کورٹ میں دائر کی گئی درخواست پر اسد عمر اور وزیراعظم عمران خان کے دستخط ہیں۔
واضح رہے گزشتہ ہفتے 11 مارچ کو الیکشن کمیشن نے لوئر دیر کے علاقے تیمرگرہ کے جلسے میں شرکت اور ضابطہ اخلاق کی خلاف ورزی پر وزیراعظم عمران خان کو نوٹس جاری کردیا تھا۔
وفاقی وزرا شاہ محمود قریشی، پرویز خٹک، اسد عمر اور مراد سعید کے علاوہ وزیر اعلیٰ محمود خان اور صوبائی وزرا کو بھی نوٹس جاری کیا گیا۔
Filed petition in Islamabad HC today, challenging notices issued by ECP, for dir jalsa . Due process has been followed for issuance of ordinance allowing public office holders to campaign. ECP cannot ignore a law in field. Petition is co signed by @ImranKhanPTI and myself
— Asad Umar (@Asad_Umar) March 17, 2022