نیہا ککڑ نے آئیفا ایوارڈ 2022 کی تقریب میں پرفارم بھی کیا جسے خاصا سراہا گیا۔ (فوٹو: آئیفا)
انڈیا میں موسیقی کے نوجوان شائقین کی مقبول ترین گلوکاراؤں میں شمار کی جانے والی نیہا ککڑ کا کہنا ہے کہ ’موسیقی میں پاکستان جیسا ٹیلنٹ کہیں نہیں ہے۔‘
متحدہ عرب امارات کی ریاست ابوظبی میں ہونے والے آئیفا ایوارڈز کے ریڈ کارپٹ کی تقریب میں نیہا ککڑ نے ایک صحافی کے سوال کے جواب میں پاکستان میں موسیقی کے ٹیلنٹ کو خاصا سراہا۔
انڈین گلوکارہ سے پوچھا گیا کہ کیا وہ عاطف اسلم کے ساتھ پرفارم کرنا پسند کرتی ہیں؟ جواب میں ان کا کہنا تھا کہ ’جی بالکل، وہ عاطف اسلم کے ساتھ گانا پسند کرتی ہیں۔ پاکستان کے سارے گلوگار بہت اچھے ہیں، پاکستانی ٹیلنٹ کا کوئی جواب نہیں ہے اور وہ پاکستانی میوزک کی مداح ہیں۔‘
پاکستان اور پاکستانیوں سے متعلق محبت بھرے جذبات کا اظہار کرنے والی نیہا ککڑ نے یہاں موجود اپنے فینز کا شکریہ بھی ادا کیا۔
نیہا ککڑ کئی بار پاکستانی گانے ری میک کے طور پر گا چکی ہیں جو بہت پسند کیے گئے ہیں۔
یہ کوئی پہلا موقع نہیں کہ پاکستانی گلوکاروں کوان کے انڈین ہم پیشہ افراد کی جانب سے سراہا گیا ہے۔
گزشتہ چند دہائیوں کے دوران نصرت فتح علی خان، غلام علی، شفقت امانت علی، عاطف اسلم، راحت فتح علی خان، عابدہ پروین اور متعدد گلوکاروں کو انڈیا میں خوب سراہا جاتا رہا ہے۔
انڈین گلوکارہ نیہا ککڑ نے آئیفا ایوارڈ 2022 کی تقریب میں پرفارم بھی کیا جسے خاصا سراہا گیا۔ ایوارڈز کے آفیشل ہینڈل نے ان کی تصاویر شیئر کرتے ہوئے لکھا کہ اس پرفارمنس کے بعد ہم یہی کہہ سکتے ہیں کہ ’ایک بار اور۔‘
ابوظبی میں آئیفا ایوارڈز کی تقریب کے ایک حصے کی میزبانی سلمان خان نے بھی کی۔ متحدہ عرب امارات کی کابینہ کے رکن شیخ نہییان مبارک آل نیہان بھی ایوارڈز کی تقریب میں شریک ہوئے۔
نیہا ککڑ ماضی میں عاطف اسلم کے ساتھ اکٹھے بھی پرفارم کر چکی ہیں، ان دونوں کی مذکورہ پرفارمنس کو انڈیا اور پاکستان میں موسیقی کے شائقین نے خاصا سراہا تھا۔
آئیفا ایوارڈ 2022 کے تقریب کے دوران اسی تناظر میں نیہا ککڑن سے سوال پوچھا گیا جس کے جواب میں انہوں نے پاکستانی گلوکار کے ساتھ گانے پر پسندیدگی کا اظہار کیا۔
2018 میں امریکہ کے شہر ہیوسٹن میں عاطف اسلم اور نیہا ککڑ دونوں سٹیج پر اکھٹا پرفارم کر چکے ہیں جسے بے حد پسند کیا گیا تھا۔
عاطف اسلم 2005 سے 2018 تک انڈیا کی فلموں کے لیے متعدد گانے گا چکے ہیں، ان میں سے کئی سپرہٹ گانوں کے چارٹس میں شامل رہے ہیں۔
مہنگا پیٹرول، ’کرک انفو بھی پاکستان کو ٹرول کر رہا ہے‘Node ID: 674541
وزیراعظم ’جب جب حکم دیتے ہیں لوڈشیڈنگ بڑھ جاتی ہے‘Node ID: 674676
لوگوں سے التجا ہے،مجھے جینے دیں، نیہا ککڑNode ID: 371001
