Sorry, you need to enable JavaScript to visit this website.

نسیم شاہ کے صحت یابی کے لیے سعودی عرب کے سفیر کی نیک تمنائیں

سعید المالکی نے اپنی ٹویٹ میں لکھا کہ ’ہم آپ کی جلد شفا یابی کے خواہاں ہیں۔‘ (فوٹو: ٹوئٹر)
پاکستان کرکٹ ٹیم کے فاسٹ بولر نسیم شاہ نمونیا کا شکار ہوگئے ہیں جس کے بعد انگلینڈ کے خلاف سیریز کے بقیہ میچز اور نیوزی میں شیڈول ٹرائی سیریز میں ان کی شرکت مشکوک ہوگئی ہے۔
کرکٹ کی ویب سائٹ کرک انفو کے مطابق فاسٹ بولر نسیم شاہ نمونیا کا شکار ہوگئے ہیں۔
نسیم شاہ نمونیا کا شکار ہونے کے بعد ہسپتال میں رہیں گے۔
کرک انفو کے مطابق نسیم شاہ انگلینڈ کے خلاف لاہور میں ہونے والے بقیہ ٹی20 میچز سے باہر ہوگئے ہیں جب کہ ٹی20 ورلڈ کپ سے پہلے نیوزی لینڈ میں ہونے والی ٹرائی سیریز میں بھی ان کی شمولیت پر سوالیہ نشان ہے۔
پاکستان کرکٹ ٹیم ٹی20 ورلڈ کپ اور نیوزی لینڈ کے دورہ کے لیے تین اکتوبر کو روانہ ہوگی۔
نسیم شاہ اس سے پہلے ایشیا کپ میں انڈیا کے خلاف پہلے میچ میں بھی بولنگ کرواتے ہوئے انجرڈ ہوگئے تھے۔
نسیم شاہ کی صحت یابی کے لیے سماجی رابطوں کی ویب سائٹ ٹوئٹر پر بھی فینز کی جانب سے نیک تمناؤں کا اظہار کیا جارہا ہے۔
پاکستان میں سعودی عرب کے سفیر نواف بن سعید المالکی نے اپنی ٹویٹ میں لکھا کہ ’ہم آپ کی جلد شفا یابی کے خواہاں ہیں۔‘
ایمان کہتی ہیں کہ ’اللہ بری نظر سے بچائے، جلد صحت یاب ہوجائیں نسیم شاہ۔‘

فرید خان نے لکھا کہ ’جلد صحت یاب ہوجائیں، نسیم شاہ، مضبوط ہوکر واپس آئیں۔‘

نسیم شاہ نے پاکستان ٹیم کی نمائندگی کرتے ہوئے 13 ٹیسٹ میچز میں 33، 3 ون ڈے میچز میں 10 اور 6 ٹی20 میچز میں 7 وکٹیں حاصل کرچکے ہیں۔

شیئر: