1 نومبر کو روپے کے مقابلے میں ڈالر، ریال سمیت اہم کرنسیوں کی قیمت

پاکستان کی انٹر بینک مارکیٹ میں منگل کو روپے کے مقابلے میں امریکی ڈالر کی قیمت میں معمولی کمی ریکارڈ کی گئی ہے۔

سٹیٹ بینک آف پاکستان کی جاری کردہ ایکسچینج رپورٹ کے مطابق منگل کو پاکستانی روپے کے مقابلے میں امریکی ڈالر کی قیمت میں 25 پیسے کی کمی ہوئی جس کے بعد امریکی کرنسی کی نئی قیمت 220.89 روپے سے کم ہو کر 220.64 روپے ہو گئی ہے۔

پاکستانی روپے کے مقابلے میں سعودی ریال کی قیمت 58.72، اماراتی درہم 60.07، کویتی دینار 712.73، عمانی ریال 573.85، بحرینی دینار 585.33 اور قطری ریال کی قدر 60.23 روپے رہی۔

برطانوی پاؤنڈ کی قیمت 254.71 اور یورو کی شرح تبادلہ 219.45 روپے ریکارڈ کی گئی۔

دوسری جانب 1 نومبر کو اوپن مارکیٹ میں امریکی ڈالر کی قیمت خرید 224.5 اور قیمت فروخت 226.5 جب کہ سعودی ریال قیمت کی خرید 61.9 اور قیمت فروخت 62.5 روپے ریکارڈ کی گئی۔

اماراتی درہم کی قیمت خرید 65.5 اور قیمت فروخت 66.1 جب کہ برطانوی پاؤنڈ کی قیمت خرید 267 اور قیمت فروخت 269.5 روپے ریکارڈ کی گئی۔