انڈین اداکارہ سوارا بھاسکر نے دہلی میں 27 سالہ لڑکی کے بہیمانہ قتل کی مذمت کرتے ہوئے امید ظاہر کی ہے کہ ملزم کو سخت ترین سزا ملے گی۔
سوارا بھاسکر نے منگل کو اپنی ٹویٹ میں لکھا کہ ’یہ کیس کتنا ہولناک، بھیانک اور المناک ہے اس کے لیے کوئی الفاظ نہیں۔ میرا دل اس بیچاری لڑکی کے لیے غمزدہ ہے جسے اس شخص سے دھوکہ ملا جس پر اس نے اعتبار کیا اور چاہا۔‘
انہوں نے لکھا کہ ’امید ہے کہ پولیس تیزی سے اپنی تحقیقات مکمل کرے گی اور امید ہے کہ اس درندے کو سخت ترین سزا ملے گی جس کا وہ مستحق ہے۔‘
مزید پڑھیں
انڈین اخبار ہندوستان ٹائمز کے مطابق انڈیا کے دارالحکومت دہلی میں ایک شخص نے جھگڑے کے بعد مبینہ طور پر اپنی ساتھی کو قتل کر کے ان کی لاش کے 35 ٹکڑے کیے اور انہیں فریزر میں رکھ دیا۔
پولیس نے بتایا کہ ’ملزم کی شناخت آفتاب امین پونا والا کے طور پر ہوئی جو ممبئی کا رہائشی ہے۔ ملزم کو سنیچر کو گرفتار کیا گیا تھا اور اسے پانچ دن کے ریمانڈ پر جیل بھیجا گیا ہے۔‘
شردھا والکر کی عمر 26 برس تھی اور وہ ممبئی کے ایک کال سینٹر میں کام کرتی تھیں جہاں ان کی آفتاب امین سے ملاقات ہوئی اور دونوں اکٹھے رہنے لگے۔ جب ان کے خاندان والوں نے اس رشتے کو قبول نہ کیا تو وہ دہلی آ گئے۔
NO WORDS for how horrifying, gruesome & tragic this case is. My heart goes out to this poor girl-awful betrayal by someone she loved & trusted. Hope police speedily conclude their investigation & hope this monster gets the harshest punishment he thoroughly deserves. #shradhha https://t.co/W4w10JjdDf
— Swara Bhasker (@ReallySwara) November 14, 2022