قطر کے دارالحکومت دوحہ کے التھماما سٹیڈیم میں مراکش کے ہاتھوں بیلجیئم کو صفر کے مقابلے میں دو گول سے اپ سیٹ شکست کے بعد بیلجیئم میں فسادات پھوٹ پڑے۔
فرانسیسی خبر رساں ادارے اے یف پی کے مطابق بیلجیئم کی ہار کے بعد برسلز میں فٹ بال فینز نے پولیس پر حملہ کر دیا جس کے بعد سکیورٹی اہلکاروں کی جانب سے حملہ آوروں کو منتشر کرنے کے لیے واٹر کینن اور آنسو گیس کا استعمال کرنا پڑا۔
بیلجیئم کی شکست کے بعد درجنوں فٹ بال شائقین برسلز کی سڑکوں پر نکل آئے اور انہوں نے دکانوں کے شیشے توڑے اور متعدد گاڑیوں کو بھی نذر آتش کردیا۔
مزید پڑھیں
-
رونالڈو اور میسی کوئٹہ ہوٹل پر کیا کر رہے ہیں؟Node ID: 719476
-
کرسٹیانو رونالڈو فٹ بال ورلڈ کپ کے بعد سعودی کلب جوائن کریں گے؟Node ID: 720841
برسلز پولیس کا کہنا ہے کہ امن عامہ کو نقصان پہنچانے کے الزام میں انہوں نے 11 افراد کو حراست میں لے لیا ہے۔
پولیس نے حملے کی اطلاع ملتے ہی شہر میں ٹرین سروس معطل کردی تھی اور فسادات کے بڑھ جانے کے خوف سے سڑکوں کو بھی بند کر دیا تھا۔
سماجی رابطوں کی ویب سائٹ ٹوئٹر پر برسلز میں کی جانے والی توڑ پھوڑ کی متعدد ویڈیوز گردش کر رہی ہیں۔
سوزانے سیڈون کی جانب سے شیئر کی گئی ایک ویڈیو میں سروں کو ڈھانپے درجنوں افراد کو سڑکوں پر پبلک پراپرٹی کو نقصان پہنچاتے ہوئے دیکھا جا سکتا ہے۔
Belgium
Towns And Cities Are Now Being Destroyed And Smashed Up Across Brussels As Riots By Non Natives Escalate Into The Night. pic.twitter.com/q3gA8SiWKu— Suzanne Seddon (@suzseddon) November 27, 2022
سوشل میڈیا پر متعدد اکاؤنٹس کی طرف سے یہ دعویٰ کیا جارہا ہے کہ سڑکوں پر ہونے والے جلاؤ گھیراؤ اور لڑائی جھگڑوں میں بیلجیئم میں موجود مراکشی لوگوں نے بھی حصہ لیا۔ تاہم اردو نیوز ان دعوؤں کی آزادنہ تردید یا تصدیق کرنے سے قاصر ہے۔
Meanwhile, in Brussels, Moroccans celebrate their win over Belgium. The cultural enrichment is paying dividends, right? pic.twitter.com/yakNCjTSSN
— David Vance (@DVATW) November 27, 2022