Sorry, you need to enable JavaScript to visit this website.

شاہین شاہ آفریدی شاہد آفریدی کے داماد بن گئے، کراچی میں نکاح کی تقریب

شاہین شاہ آفریدی کا نکاح کراچی کی ایک مقامی مسجد میں پڑھایا گیا (فوٹو: ٹوئٹر)
پاکستان کے فاسٹ بولر شاہین شاہ آفریدی کراچی میں سابق کپتان شاہد آفریدی کی صاحبزادی کے ساتھ نکاح کے بندھن میں بندھ گئے ہیں۔
شاہین شاہ آفریدی کا شاہد آفریدی کی صاحبزادی انشا کے ساتھ نکاح جمعے کو کراچی کی ایک مقامی مسجد میں پڑھایا گیا جہاں دونوں خاندانوں کے افراد موجود تھے۔
سوشل میڈیا پر شیئر کی گئی تصاویر میں دیکھا جا سکتا ہے کہ نکاح سادگی سے پڑھایا گیا اور اس وقت مسجد میں شاہد آفریدی بھی موجود تھے۔
پاکستانی فاسٹ بولر کے نکاح کے بعد سوشل میڈیا پر ان کے دوست اور پرستار انہیں مبارک باد دیتے ہوئے نظر آرہے ہیں۔
پاکستان کے وکٹ کیپر بیٹر محمد رضوان نے ایک ویڈیو بیان میں کہا کہ ’شاہین خان میری طرف سے آپ کو نکاح کی بہت بہت مبارک ہو اور دعا کریں گے کہ اللہ آپ کی جوڑی کو پوری اُمت کی ہدایت کا ذریعہ بنائے۔‘
شاہین شاہ آفریدی کی نکاح کی ویڈیو سوشل میڈیا پر بھی وائرل ہے جہاں وہ ’قبول ہے، قبول ہے، قبول ہے‘ کہتے ہوئے نظر آرہے ہیں۔
حارث رؤف نے بھی اپنے دوست شاہین شاہ آفریدی کو نکاح کی مبارک باد دی اور کہا کہ ’میں آ تو نہیں سکوں گا کچھ پروفیشنل کمٹمنٹس کی وجہ سے لیکن میں جب واپس آؤں گا تو ہم خوشیاں منائیں گے پاکستان سپر لیگ (پی ایس ایل) کے دوران۔‘
پاکستان کے مقامی میڈیا کے مطابق رخصتی کی تقریب بعد میں ہوگی۔

شیئر: