’روزمرہ زندگی سے چھٹکارہ‘، کروز کے ذریعے 30 ہزار ڈالر میں دنیا کی سیر

بہت سے لوگوں کا خواب ہوتا ہے کہ وہ زندگی کا کچھ عرصہ معمول کے کاموں اور شہروں کے ہنگاموں سے دور گزاریں لیکن یہ خواہش کی تکمیل ہر ایک کے لیے ممکن نہیں ہوتی۔

یہ خیال تو اچھا ہے لیکن اس کے اخراجات اتنے زیادہ ہوتے ہیں کہ لوگ آگے بڑھنے کا فیصلہ نہیں کرتے۔

امریکی نیوز چینل سی این این کی ایک رپورٹ کے مطابق ایک کروز کمپنی نے یہ مشکل حل کرنے کے لیے ایک ایسی کروز چلانے کا منصوبہ بنایا ہے جو تین برس تک سمندر میں رہے گا۔

’روزمرہ زندگی سے چھٹکارہ‘ دلانے والی یہ کروز شپ اس مدت میں ایک لاکھ 30 ہزار میل کا فاصلہ طے کرے گی اور اس کی سالانہ فیس 30 ہزار ڈالر ہو گی۔

’لائف ایٹ سی کروز‘ نے اپنے اس تین سالہ سمندری سفر کے لیے بکنگ شروع کر دی ہے اور یہ ترکی کے دارالحکومت استنبول سے یکم نومبر 2023 کو اپنے سفر کا آغاز کرے گی۔

یعنی اس کروز کا مسافر بننے کے خواہش مند افراد کے لیے اپنے پاسپورٹ، ضروری ویکسینیشن اور دور سے کام کرنے کی صلاحیتیوں کو ترتیب دینے کے لیے ابھی آٹھ ماہ کا عرصہ باقی ہے۔

لائف ایٹ سی کروز کمپنی نے اعلان کیا ہے کہ ان کا کروز اس بحری سفر کے دوران سات براعظموں کے 135 ممالک میں سے گزرے گا اور دنیا بھر کی 375 بندگاہوں ہر لنگرانداز ہو گا۔

اس سفر کے دوران کروز کے مسافروں کو مختلف اہم مقامات دیکھنے کا موقع بھی ملے گا۔

ان نمایاں مقامات میں برازیل کا کرائسٹ دی ریڈیمیر مجسمہ، انڈیا کا تاج محل، میکسیکو کا چی چن اٹزا اہرام، مصر کے الجیزہ پیرامڈز، پیرو کا ایک گمشدہ شہر ماچو پیچو اور عظیم دیوار چین شامل ہیں۔

یہ کروز 103 تین جزائر پر بھی رکے گی اور اس سفر کے دوران 375 میں 208 بندر گاہوں پر رات بھر کے لیے ٹھہرے گی۔

یہ کمپنی مِیرے کروز نامی کمپنی کی ایک بائے پروڈکٹ ہے جو کروز انڈسٹری میں 30 سال سے سرگرم ہے۔

اس کروز میں 400 کیبن ہیں جن میں مجموعی طور پر 1074 مسافروں کی گنجائش موجود ہے۔

اس کے علاوہ ہر طرح کی ضروری سہولیات یہاں دستیاب ہوں گے۔