پاکستان میں الیکٹرانک میڈیا کو ریگولیٹ کرنے والے ادارے پیمرا نے جیو انٹرٹینمٹ کو ڈرامہ سیریل ’تیرے بن‘ میں ’نامناسب مواد‘ نشر کرنے پر وارننگ جاری کردی ہے۔
جمعے کو ایک پریس ریلیز میں پیمرا کا کہنا تھا کہ ’مذکورہ ڈرامہ سیریل کی قسط نمبر 47 میں نامناسب مواد نشر کیا گیا جو کہ پیمرا قوانین اور الیکٹرانک میڈیا ضابطہ اخلاق 2015 کی متعدد شقوں کی صریحاً خلاف ورزی ہے۔‘
مزید پڑھیں
-
ڈرامہ ’تیرے بن‘: بےانتہا نفرت سے محبت کے جنون تکNode ID: 736616
-
’تیرے بن‘ کے مداحوں کی تشویش اور ’پری زاد‘ کی عربی زبان میں ڈبنگNode ID: 766056
پیمرا کی جانب سے جیو انٹرٹینمنٹ کی انتظامیہ کو حکم دیا گیا ہے کہ ’نامناسب مواد کو ڈرامہ سیریل سے فوری حذف کیا جائے اور اس امر کو یقینی بنایا جائے کہ اس طرح کا مواد آئندہ کسی بھی قسط میں نشر نہ کیا جائے۔‘
پیمرا کی جانب سے کہا گیا ہے کہ حکم نہ ماننے کی صورت میں چینل کے خلاف کارروائی عمل میں لائی جائے گی۔
تیرے بن ڈرامے کی آخری دو متنازع اقساط نشر ہونے کے بعد سے سوشل میڈیا پر بحث جاری ہے کیونکہ جہاں ڈرامے کے شائقین میرب اور مرتسم کے درمیان رومانوی منظر کی توقع کر رہے تھے وہیں دونوں کرداروں کو ایک دوسرے کے ساتھ انتہائی نفرت انگیز لہجے میں دکھایا گیا۔
— Report PEMRA (@reportpemra) May 26, 2023