سامی زین ’ریسل مینیا‘ میں انٹرکانٹینینٹل ٹائٹل کادفاع کریں گے
کینیڈین ریسلر نے مملکت سے ثقافتی لحاظ سے گہرے تعلق کا اظہار کیا ہے۔ فوٹو عرب نیوز
کینیڈین ریسل سامی زین جدہ میں ہونے والے ڈبلیو ڈبلیو ای کنگ اینڈ کوئین آف دی رنگ ایونٹ میں چاڈ گیبل اور برونسن ریڈ کے خلاف ٹرپل تھریٹ میچ میں انٹرکانٹینینٹل ٹائٹل کا دفاع کریں گے۔
عرب نیوز کے ساتھ خصوصی انٹرویو میں سامی نے اپنے کیریئر کے آغاز اور WWE کی مملکت کی شراکت داری سے اس کھیل پر پڑنے والے مثبت اثرات کے بارے میں تبصرہ کرتے ہوئے اپنے تاثرات کا اظہار کیا ہے۔
ریسلنگ سٹار سامی زین نے کہا ہے کہ جدہ میں ہونے والے WWE کے ’ریسل مینیا‘ میں اس ٹائٹل کے لیے ریسلنگ کا انعقاد یقینی طور پر کھیلوں کی تفریح میں وسعت کی عکاسی کرتا ہے۔
کینیڈا میں رہائش پذیر شامی والدین کے ہاں پیدا ہونے والے سامی زین مملکت اور عرب خطے سے ثقافتی لحاظ سے اپنے گہرے تعلق کا اظہار کرتے ہیں۔
سامی زین نے WWE کے ساتھ 2013 میں معاہدے کے بعد اگلے ہی سال مملکت میں کھیلوں کے حکام کے ساتھ شراکت کے بعد سعودی عرب میں اپنے پہلے دورے کی یاد تازہ کرتے ہوئے بتایا کہ یہاں کی زبان، کھانے ، انداز، آواز اور ثقافت سب گھر جیسا ہی محسوس ہوتا ہے۔
