مملکت: آج کونسا شہر سب سے زیادہ گرم رہا؟

موسمیات کے قومی مرکز نے جمعرات کو مملکت کے مختلف علاقوں میں درجہ حرارت کے  حوالے سے رپورٹ جاری کی ہے۔

عاجل ویب سائٹ  کے مطابق موسمیات کے قومی مرکز نے اپنے ایکس (ٹوئٹر)  اکاؤنٹ پر بتایا کہ القیصومہ میں درجہ حرارت 48 سینٹی گریڈ رہا۔

قومی مرکز کے مطابق دمام اور الاحساء میں 47 اور مدینہ منورہ، العلا اور بریدہ میں 45 سینٹی گریڈ تک درجہ حرارت ریکارڈ کیا گیا۔

موسمیات کے قومی مرکز کا کہنا ہے کہ ریاض، المجمعہ، وادی الدواسر اور رفحا میں درجہ حرارت 44 ، مکہ مکرمہ میں 43 اور ینبع، جدہ  میں 39 سینٹی گریڈ رہا۔

قومی مرکز کے مطابق سب سے کم درجہ حرارت 13 السودۃ اور ابھا میں 27 سینٹی گریڈ رہا۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں