پاکستان میں جمعرات 22 مئی کو سونے کی قیمت کیا رہی؟
پاکستان میں جمعرات کو سونے کی قیمت میں 1 ہزار 900 روپے کمی ریکارڈ کی گئی ہے۔
آل پاکستان صرافہ جیمز اینڈ جیولرز ایسوسی ایشن کے مطابق جمعرات کو 1 ہزار 900 روپے کمی کے بعد ملک میں سونے کی فی تولہ قیمت 3 لاکھ 47 ہزار 500 روپے ریکارڈ کی گئی ہے جبکہ آخری تجارتی دن (یعنی بدھ) کو اس کی قیمت 3 لاکھ 49 ہزار 900 روپے تھی۔
حالیہ کمی کے بعد 10 گرام سونے کی قیمت میں بھی 1 ہزار 629 روپے کمی ہوئی ہے جس کے بعد اس کی نئی قیمت 2 لاکھ 97 ہزار 925 روپے ہوئی ہے۔
اس طرح 22 قیراط سونے کے 10 گرام کی قیمت 2 لاکھ 73 ہزار 127 روپے ہوگی۔
دوسری جانب فی تولہ چاندی کی قیمت میں 38 روپے کی کمی ہوئی ہے، جس کے بعد نئی قیمت 3 ہزار 428 روپے ہو گئی، جبکہ 10 گرام چاندی کی قیمت 2 ہزار 938 روپے ریکارڈ کی گئی ہے۔
ایسوسی ایشن کے مطابق بین الاقوامی مارکیٹ میں سونے کی قیمت 19 ڈالر کی کمی کے بعد 3 ہزار 291 ڈالر فی اونس ہو گئی، جبکہ چاندی کی قیمت 32.70 ڈالر فی اونس ریکارڈ کی گئی ہے۔
