امارات میں یکم ذی الحجہ 28 مئی اور عید الاضحی 6 جون کو متوقع
ذی الحجہ کا چاند منگل 27 مئی کو دیکھا جاسکے گا (فوٹو: امارات الیوم)
اماراتی فلکیاتی سوسائٹی کے بورڈ آف ڈائریکٹر کے چیئرمین اورعرب یونین برائے خلائی علوم و فلکیات کے رکن ابراہیم الجروان نے کہا ہے کہ’ ذی الحجہ کا چاند منگل 27 مئی کو دیکھا جاسکے گا۔ بدھ 28 مئی کو یکم ذی الحجہ ہو نے کا امکان ہے۔‘
امارات الیوم کے مطابق ابراہیم الجروان کا کہنا تھا’ ذی الحجہ کا چاند منگل 27 مئی کو امارات کے وقت کے مطابق شام 7 بج کر 02 منٹ پر پیدا ہوگا۔‘
’اس کی عمرغروب آفتاب کے وقت تقریبا 12 گھنٹے ہو گی۔ ذی الحجہ کا چاند 28 مئی کو غروب کے بعد 38 منٹ تک افق پر دیکھا جاسکے گا۔‘
ماہر فلکیات کا مزید کہنا تھا ’فلکیاتی علوم کے مطابق 28 مئی یکم ذی الحجہ ہوگی، اس اعتبار سے عید الاضحی 6 جون 2025 کو متوقع ہے۔‘
امارات میں عیدالاضحی کب اور تعطیلات کتنی ہوں گی؟Node ID: 889598
بیشتر خلیجی شہری عید الاضحی تعطیلات میں دبئی کا رخ کریں گےNode ID: 889941
