ایمریٹس کی چار ملکوں کےلیے پروازوں کی معطلی میں توسیع

متحدہ عرب امارات کی فضائی کمپنی ’ایمریٹس‘ نے چار ملکوں کےلیے پروازوں کی معطلی میں 22 اور 30 جون تک توسیع کی ہے۔

ایمریٹس نے بیان میں کہا کہ  اردن (عمان) اور لبنان( بیروت) کے لیے پروازیں اتوار 22 جون تک معطل رہیں گی۔

جبکہ ایران( تہران) اورعراق( بصرہ، بغداد) کے لیے پروازوں کی معطلی میں پیر 30 جون تک توسیع کی گئی ہے۔

یاد رہے گزشتہ روز فلائی دبئی نے خطے کی موجودہ صورتحال کے باعث چھ ملکوں کےلیے پروازوں کی منسوخی میں 16 جون تک توسیع کی تھی۔

 ایران، عراق، اسرائیل، اردن، لبنان اور شام کےلیے پروازیں 15 اور 16 جون کو منسوخ کی گئی ہیں۔

 امارات کی فضائی کمپنیوں، ایمریٹس، اتحاد ایئرویز، ایئرعربیہ اور فلائی دبئی نے خطے میں جاری کشیدگی کے باعث متعدد مقامات کے لیےآپریشن عارضی طور پر معطل کرنے کا اعلان کررکھا ہے۔