امارات میں جولائی 2025 کےلیے پٹرولیم مصنوعات کے نئے نرخ، پٹرول اور ڈیزل مہنگا

متحدہ عرب امارات میں جولائی 2025 کے لیے پٹرول اور ڈیزل کے نرخوں کا اعلان کیا گیا ہے۔ 

فیول پرائس کمیٹی کے مطابق نئی قیمتوں کا اطلاق یکم جولائی سے ہوگا۔ پٹرول اور ڈیزل مہنگا ہوا ہے۔

پٹرول سپر 98 کی نئی قیمت 2.70 درہم فی لٹر مقرر کی گئی ہے جو جون میں 2.58 درہم فی لٹرتھی۔

 سپیشل 95 جولائی میں 2.58 درہم فی لٹر ملے گا۔ جون میں2.47 درہم فی لٹر دستیاب تھا۔

ای پلس91 کے نرخ اضافے کے بعد 2.51 فی لٹر ہوں گے۔ جون میں اس کی قیمت 2.39 فی لٹر تھی۔

 ڈیزل کی نئی قیمت بڑھ کر 2.63 درہم فی لٹر ہوگی۔ جون میں ڈیزل 2.45 درہم فی لٹر میں دستیاب رہا۔

یاد رہے امارات کی فیول پرائس کمیٹی ہر ماہ پٹرول کی قیمتوں کا تعین عالمی مارکیٹ میں تیل کی قیمتوں کے مطابق کرتی ہے۔