سعودی نائب وزیر خارجہ سے برسلز میں یورپی کمشنر برائے بحیرہ روم کی ملاقات

سعودی نائب وزیر خارجہ انجینیئر ولید بن عبدالکریم الخریجی نے منگل کو برسلز میں یورپی کمشنر برائے امور بحیرہ روم   دوبراکا سویکا سے ملاقات کی ہے۔

ایس پی اے کے مطابق ملاقات کے دوران مختلف شعبوں میں تعاون مستحکم بنانے کےعلاوہ مشترکہ دلچسپی کے امور پر تبادلہ خیال کیا گیا۔

اس موقع پر یورپی یونین میں سعودی مشن کی سربراہ ایمبسڈر ھیفا الجدیع بھی موجود تھیں۔

یاد رہے سعودی نائب وزیرخارجہ نے پیر کو برسلز میں یورپی یونین کی خارجہ امور اور سکیورٹی پالیسی کے اعلی نمائندے، یورپی کمیشن کی نائب صدر کایا کالس اور خلیج کےلیے یورپی یونین کے خصوصی نمائندے سے ملاقات کی تھی۔

ملاقات میں سعودی عرب اور یورپی یونین کے درمیان مختلف شعبوں میں تعاون کا جائزہ لیا گیا۔