سعودی عرب کا شام میں پانچ ارب ڈالر کی سرمایہ کاری کا اعلان

شام کے دارللحکومت دمشق کا دورہ کرنے والے سعودی وفد نے جنگ سے تباہ حل ملک کی تعمیر نو میں مدد کے لیے پانچ ارب ڈالر کی سرمایہ کاری اور شراکت داری معاہدوں کا اعلان کیا ہے۔

سعودی وزیر سرمایہ کاری خالد الفالح  نے شام کے شہر’عدرا‘ میں سیمنٹ فیکٹری کا بھی افتتاح کیا ۔ وہ اعلی سطحی سعودی سرمایہ کاری کے وفد کے ہمراہ شام کے دورے پر ہیں۔

عرب نیوز اور ایس پی اے کے مطابق یہ منصوبہ مملکت کی جانب سے شام کی تعمیر نو اور اقتصادی تعاون بڑھانے کی کوششوں کا حصہ ہے۔

شام کی تعمیر نو کا منصوبہ ولی عہد شہزادہ محمد بن سلمان کی خصوصی ہدایات پر شروع کیا گیا  ہےجس کا مقصد دوطرفہ برادرانہ تعلقات کو مزید مستحکم اور شام کی اقتصادی ترقی میں تعاون کرنا ہے۔

عرب نیوز کےمطابق اے ایف پی نے وزارت سرمایہ کاری کا حوالہ دیتے ہوئے بتایا’ اعلان کردہ سرمایہ کاری تقریبا پانچ ارب ڈالر اہم اور سٹریٹجک شعبوں رئیل سٹیٹ، انفراسٹرکچر، کمیونیکشن، آٹی ٹی، ٹرانسپورٹیشن، لاجسٹک، صنعت، سیاحت، توانائی، تجارت اور دیگر شعبوں کا احاطہ کرے گی۔‘

یاد رہے سعودی وزیر سرمایہ کاری انجینیئر خالد الفالح منگل کو دمشق پہنچے ہیں۔ وہ سعودی وفد کی سربراہی کررہے ہیں جس میں سرکاری اور نجی شعبے کے 150 سے زیادہ افراد شامل ہیں۔

 یہ دورہ شام کی معیشت کی بحالی کی سپورٹ، دونوں ملکوں کے درمیان تاریخی اور برادرانہ تعلقات کی بنیاد پر اقتصادی تعلقات مضبوط بنانے کےلیے مملکت کےعزم کو ظاہر کرتا ہے۔

اس کا مقصد دونوں ممالک کے مفادات کا تحفظ اور سرمایہ کاری کی راہوں کو آسان اور پرکشش بنانا ہے۔

سرمایہ کاری کے حوالے سے سعودی، شامی مشترکہ کانفرنس آنے والے دنوں میں دمشق میں منعقد کی جائے گی۔ توقع ہے اس میں نئے مشترکہ منصوبوں کا اعلان ہوگا۔