سعودی نائب وزیر خارجہ سے ریاض میں امریکی ناظم الامور کی ملاقات

سعودی نائب وزیر خارجہ انجینیئر ولید بن عبدالکریم الخریجی نے جمعرات کو ریاض میں امریکی سفارتخانے کی ناظم الامور الیسن ڈیل ورتھ کا خیرمقدم کیا ہے۔

ایس پی اے کے مطابق ملاقات میں دونوں ملکوں کے درمیان دوطرفہ تعلقات اور انہیں تمام شعبوں میں ترقی دینے کے طریقوں کا جائزہ لیا گیا۔

 علاقائی اور بین الاقوامی صورتحال اور اس حوالے سے کی جانے والی کوششوں پر بھی تبادلہ خیال کیا گیا۔

علاوہ ازیں سعودی نائب وزیرخارجہ سے لائبیریا کی وزیر خارجہ سارا بیسولو نیانتی سے ٹیلی فون پر رابطہ کیا ہے۔

رابطے کے دوران دوطرفہ تعلقات کا جائزہ اور مشترکہ دلچسپی کے امور پر تبادلہ خیال کیا گیا۔