سعودی عرب میں والدہ کے قتل میں ملوث بیٹے کو سزائے موت

سعودی وزارت داخلہ نے کہا ہے کہ ’عسیر ریجن میں سعودی شہری عبداللہ بن سعید بن عایض آل مفلح کو اپنی والدہ کے قتل کیس میں سزائے موت دی گئی ہے۔‘

اخبار 24 کے مطابق سعودی شہری نے اپنی والدہ جیھان بنت طہ عویس کو کو گولی ماردی جس سے ان کی موت واقع ہوگئی۔

وزات نے بیان میں کہا کہ ‘سکیورٹی حکام نے ملزم کو گرفتار کرکے تفتیش کے بعد عدالت میں  پیش کیا، عدالت نے الزام ثابت ہونے پر سزائے موت کا حکم سنایا۔‘

اپیل کورٹ اور سپریم کورٹ نے بھی یہ فیصلہ برقرار رکھا، ایوان شاہی سے فرمان جاری ہونے پر عدالتی فیصلے پر عملدرآمد کیا گیا۔

علاوہ ازیں وزارت داخلہ نے ایک اور بیان میں کہا کہ’ سنیچر کو نجران ریجن میں حشیش کی سمگلنگ کے سات مجرموں کو سزائے موت دی گئی ان میں تین ایتھوپیائی اور چار صومالی شہری ہیں۔‘

ان غیرملکیوں کو مملکت میں حشیش سمگل کرنے کے الزام میں گرفتار کیا گیا تھا۔