سعودی عرب میں بھیڑوں کی کھال میں منشیات سمگل کرنے کی بڑی کوشش ناکام

سعودی زکوۃ، ٹیکس، کسٹمز اتھارٹی نے الحدیثہ بارڈر کراسنگ پر 4 لاکھ 6 ہزار 395 نشہ آور گولیاں( کیپٹاگون) سمگل کرنے کی بڑی کوشش کو ناکام بنا دیا۔

سرکاری خبر رساں ایجنسی ایس پی اے کے مطابق منشیات پہنچے والی لائیوسٹاک شپمنٹ کے ذریعے لائی گئی تھی۔

اتھارٹی نے بیان میں کہا’ لائیو سٹاک شپمنٹ میں بھیڑیں لائی گئی تھیں ،جدید سکیورٹی ٹیکنالوجی اور لائیو ڈیوائسز’ کا استعال کرتے ہوئے  شپمنٹ معائنہ کیا گیا جس پر بھیڑوں کا کھال میں چھپائی گئی نشہ آور گولیاں برآمد ہوئیں۔‘

 کسٹم اتھارٹی نے جنرل ڈائریکٹوریٹ آف نارکوٹکس کے تعاون سے مملکت کے اندر منشیات وصول کرنے والوں کی گرفتاری کو یقیینی بنایا گیا۔ تین افراد کو حراست میں لیا گیا ہے۔

زکوۃ، ٹیکس اینڈ کسٹمز اتھارٹی نے مملکت کے داخلی راستوں پر کسٹم کنٹرول کو سخت کرنے، سمگلروں کو منشیات اور دیگر ممنوعہ اشیا لانے سے روکنے اور معاشرے  کے تحفظ کو یقینی بنانے کے عزم کا اعادہ کیا۔

اتھارٹی نے کہا یہ کوششیں کمیونٹی سکیورٹی کو بڑھانے اور قومی معیشت کے تحفظ کےلیے وسیع تر حکمت عملی کا حصہ ہیں۔