سعودی امدادی ایجنسی نے پاکستان اور افغانستان میں سیکڑوں فوڈ باسکٹس تقسیم کیں

سعودی امدادی ایجنسی شاہ سلمان مرکز نے پاکستان  اور افغانستان میں سیکڑوں فوڈ باسکٹس تقسیم کی ہیں۔

مظفر آباد، کوٹلی اور بھمبیر کے علاوہ پنجاب کے ضلع راجن پور میں مزید دو ہزار 200 فوڈ باسکٹس تقسیم کی گئیں۔

ایس پی اے کے مطابق پاکستان میں فوڈ سکیورٹی پروجیکٹ 2025 کے تحت اس امداد سے سیلاب سے متاثرہ علاقوں میں انتہائی کمزور طبقات کے 18 ہزار 300 افراد کو فائدہ پہنچا۔

یہ اقدام سعودی عرب کی طرف سے شاہ سلمان مرکز کے ذریعے فراہم کی جانے والے ریلیف اور ہیومنٹرین منصوبوں کے فریم ورک کے تحت ہے۔

علاوہ ازیں شاہ سلمان مرکز نے افغانستان میں مزید 42 فوڈ باسکٹس تقسیم کی ہیں ،جس سے پاکستان سے واپس آنے والے 252 افراد مستفید ہوئے۔

سعودی امدادی ایجنسی نے لبنان میں ایک ایمبولینس سروس سسٹم کو مالی اعانت فراہم کی جسے شمالی لبنان کے منییہ ضلع میں سوبول السلام ایسوسی ایشن کے ذریعے چلایا جا رہا ہے۔

ایمبولینس سروس نے گذشتہ ہفتے مریضوں کی منقلی، طبی امداد کی فراہمی کے 28 مشن مکمل کیے ہیں۔

اس سے شامی اور فلسطینی پناہ گزینوں کے ساتپ مقامی میزبان کمیونٹی کے ارکان کو بھی فائدہ پہنچا۔

شاہ سلمان مرکز مئی 2015 میں قائم کیا گیا تھا۔ مرکز نے اب تک دنیا کے 92  ممالک میں مختلف قسم کے  دو ہزار 402  امدادی منصوبے شروع کیے ہیں۔

یہ منصوبے 175 مقامی،علاقائی اور بین الاقوامی شراکت داروں کے تعاون سے شروع کیے گئے ہیں۔ ان منصوبوں پر 6.2 بلین ڈالر کی رقم خرچ کی گئی ہے۔