جمعرات 28 اگست کو روپے کے مقابلے میں امریکی ڈالر، سعودی ریال سمیت اہم کرنسیوں کی قیمت

پاکستان کی انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں کمی ریکارڈ کی گئی ہے، جبکہ سعودی ریال سمیت دیگر اہم کرنسیوں کی قیمتوں میں بھی ردوبدل دیکھنے میں آیا ہے۔ 

سٹیٹ بینک آف پاکستان کے مطابق جمعرات کو انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں 2 پیسے کمی آئی ہے جس کے بعد اس کی نئی قیمت 281 روپے 80 پیسے ہو گئی ہے، جبکہ گذشتہ دن بدھ  کو اس کی قیمت 281 روپے 82 پیسے ریکارڈ کی گئی تھی۔ 

انٹربینک مارکیٹ میں آج سعودی ریال کی قدر 75 روپے 9 پیسے، اماراتی درہم 76 روپے 72 پیسے اور بحرینی دینار کی قدر 747 روپے 49 پیسے ریکارڈ کی گئی۔

اسی طرح عمانی ریال کی  قدر 732 روپے، کویتی دینار کی 922 روپے 7 پیسے اور قطری ریال کی قیمت 77 روپے 34 پیسے رہی۔

دوسری جانب فاریکس ایسوسی ایشن آف پاکستان کے مطابق اوپن مارکیٹ میں جمعرات کو امریکی ڈالر کی قیمت خرید 282 روپے 9 پیسے جبکہ قیمت فروخت 283 روپے 70 پیسے ریکارڈ کی گئی۔ 

سعودی ریال کی قیمت خرید 75 روپے 3 پیسے جبکہ قیمت فروخت 75 روپے 55 پیسے اور اماراتی درہم کی قیمت خرید 77 روپے جبکہ قیمت فروخت 77 روپے 25 پیسے رہی۔